"Chelsi" jamoasi rahbari Roman Abramovich tarkibga yangi futbolchilarni qo'shish uchun yozgi transfer mavsumida 165 mln evro sarlashga tayyor, deya xabar bermoqda The Sun. Ma'lumotlarga qaraganda, ushbu summa to'rtta futbolchini xarid qilish uchun sarflanadi. Biri "Everton" himoyachisi Jon Stounz bo'lsa, ikkinchisi "Bavariya" yarim himoyachisi Arturo Vidal. Yana ikki futbolchi kim ekani hozircha noma'lum. Avvalroq, kelasi mavsumdan boshlab London klubini Antonio Konte boshqarishi mumkinligi xabar qilingandi.
— deya xabar beradi uff.uz nashri.