Joriy yilning 27-28 fevral kunlari poytaxtimizdagi Respublika olimpiya zaxiralari kollejida yunon-rim kurashi bo'yicha yoshlar o'rtasida aka-uka Ro'ziqulovlar sovrini uchun an'anaviy musobaqa o'tkaziladi.
Uchinchi bor tashkil etilayotgan ushbu musobaqada O'zbekiston, Qozog'iston, Tojikiston va Rossiyadan kelgan 200 nafarga yaqin yosh polvonlar g'oliblik uchun bellashadilar.
Yoshlar terma jamoamiz tarkibidan II o'smirlar Olimpiada o'yinlari g'olibi Ilxom Bahromov, jahon chempionati kumush medal sovrindori, Osiyo chempioni Javohir Mirahmedov, Osiyo chempioni Abubakr Alimov kabi ko'plab iqtidorli yoshlarimiz o'rin egallashgan.
Hamyurtlarimizga bo'lajak bellashuvlarda omad va zafarlar tilab qolamiz. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.