Toshkentning “Bunyodkor” jamoasi Osiyo Chempionlar ligasi 1-turini Saudiya Arabistonida “An-Nassr” klubiga qarshi o'tkazib, 3:3 hisobidagi durang natija qayd etdi. Shu kuni “Bunyodkor”ning ikkita goliga Osiyoning 2015 yildagi eng yaxshi yosh futbolchisi deb topilgan Dostonbek Hamdamov mualliflik qildi. Qayd etish kerakki, Hamdamov “Bunyodkor” safida Osiyo Chempionlar ligasi musobaqasi doirasida “dubl” qayd etgan oltinchi futbolchi bo'ldi. Bungacha, Anvarjon Soliev, Serjer Jeparov, Denilson (2 marta) va Milosh Trifunovich bir o'yinda ikkitadan to'p kiritishgandi. “Bunyodkor” tarixida o'ziga xos iz qoldirgan chililik hujumchi Xose-Luis Vilyanueva esa “xet-trik” qayd etgan yagona futbolchi bo'lib turibdi.
— deya xabar beradi uff.uz nashri.