Yurtimizda Oliy Liganing yangi mavsumi start olishiga ham oz vaqt qolmoqda.
Barcha jamoalar ham yangi boshlanajak mavsumga puxta hozirlik ko'rishga intilishdi. Nafaqat futbolchilarning jismoniy tayyorgarligi yoki jamoaning yurtimizda va xorijda yig'inlar olib borishiga e'tibor qaratildi. Balki klublarning barcha jihatdan 2016-yilgi mavsumga tayyor bo'lishiga urg'u berildi.
Misol tariqasida Oliy Liganing yangi ishtirokchisiga aylangan “Obod” jamoasi ham 2016 yilga o'zgacha tayyorgarlik olib bordi. Jamoa qishki yig'inlar davomida xorijga chiqishga ham ulgurdi. Qolaversa, Nike firmasi bilan hamkorlik yo'lga qo'yildi. Unga ko'ra, “Obod” futbolchilari yangi mavsumda aynan shu firma liboslarida maydonga chiqishadi.
Biz ham shuni inobatga olgan holda, Oliy Liga-2016ning barcha ishtirokchilari yangi mavsumni qanday liboslarda o'tkazishi borasida ma'lumot berishga qaror qildik.
“Paxtakor” – Adidas
Mamlakatimizning amaldagi chempioni – “Paxtakor” yangi mavsumda ham o'z an'anasiga sodiq qolgan holda Adidas firmasi liboslaridan foydalanadi. Jamoa 2003 yildan buyon shu firma bilan hamkorlik qilib keladi. Bu yil ham an'ana buzilmadi va o'rtadagi hamkorlik davom ettiriladigan bo'ldi.
“Paxtakor”ning asosiy libosi rangi sariq bo'ladi. Bu libosda “sherlar” allaqachon uchrashuv o'tkazishga ulgurdi. Superkubok uchun kechgan bahsda aynan sariq rangli libosda maydonga chiqildi. Safar uchrashuvlari uchun esa oq rangli libos tayyorlandi.
“Lokomotiv” – Joma
Toshkentning “Lokomotiv” jamoasi esa so'nggi yillarda Joma bilan ishlab kelmoqda. Jamoa o'tgan mavsumda ham Joma liboslaridan foydalangandi. Bu yil liboslar Jomadan buyurtma qilindi. Uy uchrashuvlari “Loko”ning an'anaviy rangi sanaluvchi qizil rangli libosda o'tkazilsa, safar o'yinlari uchun oq rangdagi formalar hozir qilib qo'yildi.
Davomi Sports.Uz blogida.
— deya xabar beradi uff.uz nashri.