"Manchester Siti" jamoasi himoyachisi Vensan Kompani "Liverpul"ga qarshi kechadigan Angliya Liga kubogida g'alaba qozonib istagi borligini aytib o'tdi. "O'tgan mavsumda hech narsa yuta olmaganimizda bu bizga og'ir botgandi. "Siti" ilk bor EChLga chiqqanida quvonchimiz cheki yo'q edi. Shundan so'ng biz Angliya Kubogi va Angliya chempionatida g'olib bo'lgandik. Bo'lajak finalda g'olib bo'lish niyatimiz bor", - deydi belgiyalik futbolchi. Eslatib o'tamiz, "Liverpul" - "Manchester Siti" o'rtasidagi Angliya Liga kubogi finali bugun, "Uembli" stadionida bo'lib o'tadi. Uchrashuv Toshkent vaqti bilan 21:30 da boshlanadi.
— deya xabar beradi uff.uz nashri.