2016 yilning 23-27 fevral kunlari Bolgariyaning Sofiya shahrida o'tkazilgan an'anaviy xalqaro turnirda mamlakatimiz charm qo'lqop ustalari bittadan oltin va bronza medaliga sazovor bo'ldilar.
Terma jamoamiz hisobiga oltin medalni Mahmud G'oipov (-69 kg) keltirdi. Iste'dodli bokschimiz hal qiluvchi final jangida mezbonlar vakili Simyon Chamovni 3:0 hisobida engdi.
2010 yili Singapurda o'tkazilgan birinchi yozgi o'smirlar Olimpiada o'yinlari sovrindori Sardor Begaliev (-91 kg) yarim final jangida rossiyalik Evgeniy Tishenkoga imkoniyatni boy berdi va bronza medali bilan taqdirlandi.
Ma'lumot uchun. 67-bor tashkil etilgan mazkur xalqaro turnirning bu yilgi bahslarida 40 davlatdan kelgan 300 nafardan ziyod erkaklar va ayollar 13 komplekt medallar uchun bahs yuritdilar. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.