Ispaniya chempionati doirasida "Real" va "Atletiko" o'rtasida kechgan uchrashuv yakuniga etgach, madridliklar prezidenti Florentino Peres bosh murabbiy Zinedin Zidan bilan uchrashdi.
Xabar qilinishicha, har ikki mutaxassis mavjud vaziyatni muhokama qilgan. "Real" o'z maydonida azaliy raqibi "Atletiko"dan 0:1 hisobida mag'lubiyatga uchradi va to'rt ochkoga ortda qolib ketdi. "Barselona" bilan oradagi farq esa 12 ochkoga etgan.
Peres Zidanga to'liq ishonishini bildirgan va jamoa bilan istaganini qilishi mumkinligini aytgan. Zidan yangi mavsum oldidan istagan futbolchisini sotib olishi va istaganini sotib yuborishi mumkin. Bu holat jamoa etakchilariga ham tegishli.
Ispaniyada deyarli hech kim "Real" chempionlik kurashidan chiqib ketganiga shubha qilmayapti.
— deya xabar beradi uff.uz nashri.