2016 yilning 24-28 fevral kunlari Malayziyaning Kuala-Lumpur shahrida pauerlifting bo'yicha bo'lib o'tgan Jaxon kubogida ikki nafar paralimpiyachilarimiz sovrindorlar safidan joy oldilar.
Erkaklar o'rtasida bo'lib o'tgan musobaqaning og'irlik vazni 107 kg.gacha bo'lgan polvonlar bahsida Vatanimiz sharafini himoya qilgan Nuritdin Davlatov 194 kg. toshni o'ziga bo'ysintara oldi va bronza medali sovrindori bo'ldi.
Xotin-qizlar o'rtasida o'tkazilgan musobaqalarda ishtirok etgan yana bir tajribali sportchimiz Ro'za Qo'zieva (-49kg.) ham sovrindorlar safidan o'rin egalladi. Yaqinda Birlashgan Arab Amirligining Dubay shahrida bo'lib o'tgan Jaxon kubogi musobaqasida uchinchi o'rinni egallagan Ro'za Qo'zieva Kuala-Lumpurda tashkil etilgan Jahon kubogi bahslarida ham bronza medali sohibasi bo'ldi.
Qizg'in kechgan musobaqada 92 kg. toshni o'ziga bo'ysuntira olgan Ro'za Jahon kubogining yana bir medalini o'z kollektsiyasiga qo'shib qo'yadigan bo'ldi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.