"Sevilya" klubi sport direktori Ramon Monchi o'z vaqtida jamoa himoyachisi Serxio Ramosni "Real"ga sotish juda og'ir kechganini aytib o'tdi. Eslatib o'tamiz, Ramos "Sevilya" tarbiyalanuvchisi bo'lib, 2005 yilda "Real" sotib olgan edi.
"To'g'risini aytsam, hali biror futbolchining jamoamizdan ketishi Serxio Ramosning "Real"ga o'tishichalik ta'sir qilmagan edi. Men o'shanda alamdan ko'z yoshlarimni tiyib tura olmagandim", - deydi Monchi.
Shuningdek "Sevilya" sport direktori 2006 yilda Marselo Juniorni "Fluminense"dan sotib olishga yaqin bo'lganlari, ammo himoyachi "Real"ga o'tib ketganini ham xabar qilgan.
"Biz Marselo bilan ham kelishib olgan edik. Ammo oxirgi soniyalarda "Real" paydo bo'ldi va 6 million evro taklif qildi. Shu tariqa "Alvido, Marselo" deyishga majbur bo'ldik," - deydi Monchi.
— deya xabar beradi uff.uz nashri.