Bilasiz, SPORTS.uz internet-portali doim o'z o'quvchilari bilan yaqin munosabat o'rnatishga, aynan mushtariylarni qiziqtirgan mavzularda turli xil eksklyuziv materiallar-u fotoreportajlar tayyorlashga harakat qilib keladi. Yaqinda futbol bo'yicha milliy chempionatimizda yangi mavsum start olishini inobatga olib, ajoyib bir loyiha boshlashga qaror qildik.
5 mart kuni Oliy Liga-2016da dastlabki tur uchrashuvlari o'tkaziladi. Unga qadar esa 1 va 2 mart kunlari mamlakatimizning etakchi kublari Osiyo Chempionlar Ligasi 2-turi doirasida maydonga tushishadi. Biz esa tobora milliy futbolimizga e'tibor ortib borayotganini inobatga olgan holda mart oyining ilk haftasidan boshlab “Hafta muxlisi”ni aniqlab boramiz. Xo'sh, bu qanday o'tadi? Haftaning eng ashaddiy ishqibozi qanday aniqlanadi-yu, muxlislardan nima talab etiladi?!
Gap shundaki, agar siz jamoalarimiz ishtirokidagi uchrashuvlarni bevosita stadiondan turib kuzatayotgan bo'lsangiz yoki televizor orqalimi, ko'chalarda o'rnatilgan katta ekranlar orqali tomosha qilayotgan bo'lsangiz, o'sha onni fotosuratga muxrlang va bizga yuboring!
Siz va boshqa ishqibozlar yuborgan fotosuratlar hafta yakunida e'lon qilinadi va saytimiz o'quvchilari tomonidan qoldiriladigan mulohazalar orqali eng ashaddiy muxlisni aniqlab olamiz.
O'zbek jamoalari o'yinini tomosha qilayotgan paytingiz aks etgan fotosuratlarni Twitter ijtimoiy tarmog'ida @sports_uzni belgilash orqali, Telegramda esa +998909181091 raqamiga yuborishingiz mumkin bo'ladi.
Ushbu loyihamizda ishtirok eting, zero mavsum yakunida eng faol bo'lgan ishtirokchi mushtariylarimizga ajoyib sovg'alar taqdim etishni mo'ljallaganmiz. Sovg'alar orasida milliy terma jamoamiz futbolchilari dastxatlari tushirilgan to'p ham bo'lishini ta'kidlash joiz…
Demak, yangi mavsumda siz ham, biz ham milliy chempionatimiz uchrashuvlarini, klublarimizning qit'a miqyosidagi o'yinlarini katta ishtiyoq bilan kutzatib boramiz!
Davomi Sports.Uz blogida.
— deya xabar beradi uff.uz nashri.