"Yuventus" himoyachisi Jorjo Kellini "Inter"ga qarshi o'yinda jarohat olganidan xabaringiz bor. U Chempionlar ligasining 1/8 finalidan o'rin olgan "Bavariya"ga qarshi javob o'yinini o'tkazib yuborishi mumkin.
31 yoshli italyan futbolchisini boldir mushaklaridagi og'riq bezovta qilmoqda, u shu bois fevraldagi bir qator o'yinlarni o'tkazib yubordi. Jarohatning qanchalik og'ir ekani hozircha aniq emas.
Kellini joriy mavsumda "Yuventus" safida A seriyada 21 o'yin o'tkazdi.
— deya xabar beradi uff.uz nashri.