Madridning "Real" klubi va "Yuventus" jamoasi o'rtasida hujumchi Alvaro Morata borasida tuzilgan transfer shartnomasi bandlari ma'lum bo'ldi.
Unga ko'ra turinliklar Moratani 20  million evro evaziga sotib olganlar. "Real" 2016 yoki 2017 yilning yozida Moratani qaytarib olishni istasa, 30 million evro to'lashi lozim bo'ladi. Faqat buning bir sharti bor - Morata "Yuventus" tarkibida kamida 50 foiz o'yinlarda maydonga tushgan bo'lishi kerak.
Agar hujumchi 25 foiz o'yinlarda qatnashgan bo'lsa, "Real" 25 million evro to'lashi lozim bo'ladi, undan ham kam bo'lsa - 20 million evro.
Shartnomaga ko'ra Morataning tovon puli 80 million evro qilib belgilangan. Agar "Yuventus" hujumchini 2017 yilning 16 iyulidan oldinroq boshqa biror klubga sotib yuborsa, "Real"ga 80 million evro tovon puli to'lashi lozim.
— deya xabar beradi uff.uz nashri.