Madridning "Real" klubi bosh murabbiyi Zinedin Zidan "Atletiko"ga qarshi kechgan uchrashuvdagi 0:1 hisobidagi mag'lubiyatdan so'ng shogirdlari bilan suhbatlashib oldi.
Murabbiy o'yin haqida ochiq fikr bildirdi va mag'lubiyatda hamma birdek aybdorligi, xususan o'zining ham aybi borligini bildirdi. Shu bilan birga murabbiy futbolchilardan ruhan cho'kib qolmaslikni so'ragan.
"Biz - barchamiz o'tgan ishlarga birdek aybdormiz. Va mavjud vaziyatni o'zgartira oladigan yagona inson ham o'zimiz", - deydi Zidan.
Eslatib o'tamiz, "Real" prezidenti Florentino Peres Zidanga istalgan futbolchini sotib olish va istalganini sotib yuborish huquqini bergani xabar qilingan edi.
— deya xabar beradi uff.uz nashri.