"Valensiya" klubi tomonidan Evropa Yoshlar ligasi doirasida "Chelsi"ga qarshi kechgan uchrashuvda hakam yo'l qo'ygan xato borasida yo'llangan apellyatsiya UEFA tomonidan rad etildi.
Eslatib o'tamiz, "Valensiya" va "Chelsi" yoshlar jamoalari o'rtasida kechgan uchrashuvning asosiy vaqti 1:1 hisobida yakuniga etgan va penaltilar seriyasi vaqtida ispaniyaliklar kiritgan gol hakam tomonidan inobatga olinmadi.
Garchi gol bo'lgani ochiq-oydin ko'rinib turgan bo'lsa-da, to'p darvoza to'rini ichkaridan ushlab turuvchi to'singa tegib qaytib chiqib ketgach, hakam golni hisoblamaslikka qaror qilgan. UEFA ushbu shikoyatdan so'ng "Chelsi" va "Ayaks" o'rtasidagi 1/4 finali o'yinini qoldirib turgan bo'lsada, vaziyatni o'rganib chiqqach, londonliklarda g'alabani qoldirishga qaror qilgan.
— deya xabar beradi uff.uz nashri.