"UZREPORT TV" telekanali Angliya Premer ligasi 28-turidan o'rin olgan ikkita o'yinni translyatsiya qiladi. Bugun Toshkent vaqti bilan tungi soat 00:45da "Norvich" klubi "Karrou Roud" stadionida "Chelsi" jamoasini qabul qiladi. Ertaga esa aynan shu vaqtda turning markaziy o'yinida "Liverpul" jamoasi "Enfild Roud" o'yingohida "Manchester Siti" bilan to'qnashadi. Ushbu o'yinlar "UZREPORT TV" telekanali orqali to'g'ridan-to'g'ri efirda namoyish qilinadi. Eslatib o'tamiz, o'tgan yilning 1 dekabr kunidan boshlab «UzReport TV» telekanali sun'iy yo'ldosh orqali efirga uzatila boshladi. Endilikda sun'iy yo'ldosh orqali «UzReport TV» telekanaliga ulangan muxlislar mazkur o'yinlarni eng yuqori sifatli tasvirda tomosha qilish va o'yinlar zavqidan bahra olishlari mumkin bo'ladi.
— deya xabar beradi uff.uz nashri.