"Manchester Siti" klubi yarim himoyachisi David Silva "shaharliklar"ning bo'lajak ustozi Xosep Gvardiola haqida gapirib o'tdi.
"Gvardiola – ajoyib murabbiy va buni jamoamizning barcha a'zolari yaxshi biladi. U bu erda muvaffaqiyatga erishishiga ishonchim komil.
Uning jamoalari to'pni o'z nazorati ostida ushlab, kombinatsion futbol namoyish etishni xush ko'radi va bu o'yin uslubi menga mos keladi.
Ammo, hozircha uning "Manchester Siti"dagi davri boshlanmadi va biz joriy mavsumni yaxshi kayfiyatda yakunlashimiz zarur.
Biz Manuel Pellegrini uchun oxirigacha kurashamiz" – deya Silvaning so'zlarini keltiradi Goal.com portali.
— deya xabar beradi uff.uz nashri.