20 fevral kuni «Milan» rahbari Silvio Berluskoni «rossonerlar» boshqaruvidagi 30 yillik yubileyini nishonladi. Uning qo'l ostida klub 28ta turli sovrinlarni qo'lga kiritdi. FootballHD.ru mashhur mutasaddini ushbu muhim sana bilan tabriklagan holda u tomonidan qo'llangan ajoyib jumlalarni to'plashga qaror qildi. Xo'sh, Berluskonining qaysi gap-so'zlari omma orasida ko'p muhokama qilingan? Mazkur savolga quyidagi iboralardan javob topish mumkin.
MANBALAR
1985 yilning dekabri:
- Hamisha Riveraning ajo-yib pasidan so'ng gol urishni orzu qilganman, bolaligimda bu niyatimni xuddi Nordal singari amalga oshirishni xohlaganman. Har gal to'p kiritganidan so'ng uning tryuklarini takrorlashga urinardim. «Milan» bosh-qaruvini egallash - yoshlik chog'lariga qaytish bilan barobar.
1985 yilning dekabri:
- Akam Paolo gollar urgan, Galliani esa o'ng qanotda ajoyib o'ynagan. Men esa uchinchi liga jamoasiga murabbiylik qilganman va bilasizmi, biz qatorasiga g'alaba qozonganmiz. Bir gal mening klubim - «Edilnord» Zagatti ustozligidagi «Milan» yoshlarini 2:0 hisobida enggan.
1988 yilning fevrali:
- Xorijliklarmi? Shuni aniq bilamanki, 1992 yilga kelib Evropa mamlakatlarida o'yinchilarning qaysi yurtdan ekanligi ahamiyat kasb etmay qo'yadi.
MURABBIYLAR
1998 yilning fevrali:
- Kapello «Real»da va Zakkeroni «Milan»da? Bo'lmagan gap. (Biroq oradan olti oy o'tgach, Zakkeroni «rossonerlar» bosh murabbiy etib tayinlandi).
2000 yilning marti, Zakkeroniga atalgan tanqid:
- Sinor Litstsola ajoyib tikuvchi edi. U doimo «Qo'lingizdagi mato sifatli ekanmi, demak uni chevarga ishonib topshirishdan oldin e'tiborliroq bo'lishingiz lozim», derdi.
2004 yilning fevrali:
- «Milan»da faoliyat yuritadigan har bir murabbiy kamida ikki hujumchi bilan o'ynashi shart. Bu tavsiya emas, majburiyat.
2013 yilning fevrali:
- Allegri? U ro'yxatdan o'chirilgan.
2014 yilning mayi:
- «Milan»ga mos tushadigan eng yaxshi murabbiyning nomini bilaman - Berluskoni.
ShAXSLAR
1988 yilning fevrali:
- Sizningcha, Anelli shu «Mi-lan»ning murabbiyi bo'lishni xohlarmidi? Ishonchim komilki, FIATni boshqarish menga ko'proq rohat bag'ishlaydi!
1988 yilning iyuni:
- Anelli menga Galderizini tavsiya qildi. Anelli jiddiy, ammo gap futbolga borib taqalsa, hazillashishni xush ko'radi.
O'YINChILAR
1987 yilning marti:
- Borgi «Milan»ga mos o'yinchi edi, uning klubga ko'p narsa berishi kutilgandi. Ammo murabbiy o'z uslubiga sololmagan futbolchini jamoa tarkibiga majburlab kirita olmayman.
1988 yilning iyuli:
- Maradona buyuk futbolchi bo'lgan, biroq unga «Milan»da joy topilmadi. Chunki fe'l-atvori juda og'ir.
1993 yilning dekabri:
- Savichevichni olib qolish uchun ko'p kuch sarflandi. Biz arzongina - besh million dollarga Romario va Bokshichni xarid qilishimiz ham mumkin edi. Ammo bu mablag'ni Deyanga ishlatishni joiz bildik.
2001 yilning yanvari:
- Xelveg menga kar arslon haqidagi ertakni eslatib yubordi. Bir musiqachi jungli o'rmonlarida skripka chalib, dastlab bitta sherni, so'ngra atrofdagilarni gipnoz qilib qo'ydi. Ammo ko'p o'tmay uning qarshisida paydo bo'lgan kar arslon musiqachini paqqos tushirdi.
2010 yilning avgusti:
- Ronaldino - futbol tarixidagi eng yaxshi o'yinchi.
2013 yilning yanvari:
- Balotelli? Qutidagi yagona chirigan olma boshqa mevalarga ham nuqsonini yuqtiradi.
«MILAN»
1988 yilning iyuli:
- Men qilayotgan ish hech narsa emas, ammo «Milan» - juda muqaddas.
1995 yilning iyuli:
- Mafiya va pitstsani inobatga olmasak, «Milan» - eng mashhur Italiya brendi sanaladi.
2012 yilning noyabri:
- Futbol tarixida o'chmas iz qoldirgan uchta jamoani bilaman. Bu - Kruiffning «Ayaks»i, uch nafar gollandni to'plagan «Milan» hamda Gvardiolaning «Barselona»si.
2013 yilning fevrali:
- Otam meni «Milan» ishtirokidagi o'yinlarga olib kelgani, yoshim kichik bo'lgani uchun chiptasiz kirganim kechagidek yodimda. Yana bir bor aytaman, «Milan» - qalb sadosi.
Davomi InterFUTBOL gazetasi blogida.
— deya xabar beradi uff.uz nashri.