Osiyo chempionlar ligasi “V” guruhi 2-turidan o'rin olgan “Bunyodkor” – “An-Nassr” (0:1)uchrashuvidan keyingi matbuot anjumanining ikkinchi qismida “qaldirg'ochlar” ustozi ishtirok etdi. “Avvaldan o'ylab qo'ygan rejalarimiz amalga oshgani yo'q. Uchrashuv arafasida kutilmagan yo'qotishga yo'liqdik. Tushlik paytida Zuagining o'ynay olmasligi ma'lum bo'ldi. Rejalarimiz u bilan bog'liq edi. Alempievich o'z saviyasida harakat qila olmadi. Bulyat esa ancha vaqtdan beri ilk rasmiy o'yinini o'tkazdi. Shukurov esa hali yosh futbolchi. O'yin borasida imkoniyatni boy berdik. O'zimiz yaratgan vaziyatlarni golga aylantira olmadik. Rostini aytsam, bugun juda qiyin ahvolda qoldik. Ertalab shifokorimiz jarohati bor futbolchilar ro'yxatini berganida shokka tushdik. Ba'zi yigitlar shifokor yordamida harakat qilishdi. Mirabdullaev ham keraksiz vaziyatda safdan chiqdi”, - deydi Sergey Lushchan.
— deya xabar beradi uff.uz nashri.