“Arsenal” jamoasi bosh murabbiyi Arsen Venger klub etakchilari Mesut O'zil va Aleksis Sanchesning shartnomalarini uzaytirish borasidagi xabarlarga oydinlik kiritdi. “O'zil va Sanches bilan shartnomani uzaytirishga yaqinmizmi? Yo'q, hozircha bunga yaqin emasmiz. Sanches endigina jarohatidan forig' bo'lib, uning asoratlari bilan kurashmoqda. U o'zining avvalgi sport formasini qaytarish uchun mashqlar olib boryapti. Uning “MYu”ga qarshi o'yini meni xursand qildi”, - deydi frantsiyalik mutaxasisis. Eslatib o'tamiz, avvalroq “Arsenal” rahbariyati yozgi transfer mavsumida yangi futbolchilar sotib olishi uchun Arsen Vengerga 100 mln evro ajratishi xabar qilingandi. 
— deya xabar beradi uff.uz nashri.