Barchaga ma'lumki, 17 oktyabr shanba kuni Jizzaxdagi “Sug'diyona” markaziy stadionida “Bunyodkor” va “Nasaf” jamoalari ishtirokidagi O'zbekiston Kubogi final uchrashuvi bo'lib o'tadi.
Final ishtirokchilari safida Surxondaryo vohasining Shomurodovlar sulolasi vakillari Ilhom Shomurodov (“Nasaf”) va Eldor Shomurodov (“Bunyodkor”)lar faoliyat yuritishmoqda.
Ushbu ikkala hujumchi o'z jamoalarining dastlabki tarkibida doimo maydonga tushib kelishmoqda, final uchrashuvida ham ularning maydonga tushishiga shubha qilmasa ham bo'ladi.
Shunday ekan, ushbu sulola vakillarining  qaysi biri finalda qahramonga aylanar ekan? Bizga shunisi qiziq! Agar Shomurodovlarning kichigiga e'tibor qaratsak, Eldorning mahorati borgan sayin oshib bormoqda, u “Bunyodkor”ning yutuqlariga,  urgan gollari bilan hissasini qo'shib kelyapti.
Shomurodovlarning kattasi esa, “Nasaf”ning muhim uchrashuvlarida doimo joniga aro kiradi. U muhim uchrashuvlarda gol kiritishi bilan alohida ajralib turadigan hujumchi va katta tajribaga ega futbolchi hisoblanadi. Shunday ekan, finalda yana katta Shomurodovning an'anasi davom etishini hohlardik.
Faqat kichik Shomurodov gapimizdan xafa bo'lmasa bo'ldi. U bundan keyin ham qahramon bo'lishga ulguradi degan, umiddamiz.
Dilshod Safarov
Manba: voha.uz
— deya xabar beradi uff.uz nashri.