"Barselona" yarim himoyachisi Arda Turon jamoadoshlarining iqtidoridan hayratda ekanini bildirdi. Shuningdek turkiyalik futbolchi Lionel Messi ham boshqalar qatori himoyada ishlashini aytib o'tgan.
"Mening e'tiborimni avvalo "Barselona" futbolchilari qay tariqa ishlashi tortdi. Ular xuddi shu vaqtga qadar birorta sovrin yutib olmagandek ishlaydilar. Inesta, Buskets, Alves... Ular allaqachon barcha musobaqalarda g'olib chiqishga ulgurganlar, ammo shunga qaramay jamoa manfaati yo'lida ishlashda davom etmoqdalar.
Bunga isbot sifatida Messi "Sevilya"ga qarshi kechgan o'yinda himoyaga qaytish uchun 50 metr yugurib kelganini ko'rsatish mumkin. Bu juda hayratlanarli", - deydi Turon.
— deya xabar beradi uff.uz nashri.