Angliya Premer-ligasi grandlari hisoblangan “Chelsi”, “MYu”, “Arsenal”, “Liverpul” va “Manchester Siti” vakillari Evropa Superligasi musobaqasini tashkil qilish borasida maxfiy muzokara o'tkazishdi.   “MYu” vitse-prezidenti Ed Vudvord, “Chelsi” prezidenti Bryus Bak, “Arsenal” ijrochi direktori Ivan Gazidis, “Manchester Siti” ijrochi direktori Ferran Soriano hamda “Liverpul” ijrochi direktori Yan Eyr amerikalik milliarder Stiven Ross bilan joriy haftada London shahridagi “Dorchester” mehmonxonasida maxfiy muzokara o'tkazib, UEFA Chempionlar ligasi turniri o'rniga Evropa Superligasini tashkil qilmoqchi. Amerikalik milliarderning maqsadi — mamlakat chempionatida qayd etilgan natijadan qat'iy nazar, ishtirok etish mumkin bo'lgan Evropa Superligasini yaratish. Bunday musobaqa Angliya top-klublarini Chempionlar ligasiga chiqa olmaslik orqali yo'qotadigan daromadi oldini oladi. Shuningdek, ushbu musobaqa APL klublariga Chempionlar ligasidagi ishtirokidan ko'proq foyda olib kelishi mumkin. Stiven Ross yangi loyihani tez kunlarda ishga tushirish borasida muzokaralar olib bormoqda.
— deya xabar beradi uff.uz nashri.