Osiyo Chempionlar ligasi guruh bosqichi doirasida "Nasaf" va "Al-Ahli" o'rtasida kechgan uchrashuv yakuniga etdi. Unda qarshiliklar og'ir kechgan o'yinda g'alabani qo'lga kiritdilar.
Uchrashuvda 2:1 hisobi qayd etildi. Birinchi bo'limda muxlislar birorta gol ko'rmadilar. Ammo ikkinchi bo'lim boshlangani hamono Bobir Abduholiqov bosh bilan hisobni ochdi. Oradan biroz vaqt o'tgach, 59-daqiqada Maqsud Karimov o'zi boshlab bergan qarshi hujumni mantiqiy yakuniga etkazdi - 2:0.
Ammo shundan so'ng "Al-Ahli" tarkibda o'zgarishlar qildi va o'yinning borishini o'zgartira oldi. 70-daqiqada burchak to'pidan so'ng "Nasaf" futbolchilari qo'l bilan o'ynashda ayblandi va penalti belgilandi. Penaltini Fahad Hamad aniq amalga oshirib, hisobni qisqartirdi.
Shundan so'ng o'yinning borishi ancha asabiy ko'rinish oldi. "Nasaf" asosiy e'tiborni himoyaga qaratgan bo'lsa, "Al Ahli" hujumda o'ynab, raqibning qarshi hujumlarini qo'pollik evaziga bo'lsada to'xtatib qolishga intila boshladi.
"Nasaf" - "Al-Ahli" - 2:1
Gollar: Bobir Abduholiqov 46, Maqsud Karimov 59 - Fahad Hamad 70 (pen)
"Nasaf": Eldorbek Suyunov, Maqsud Karimov, Shuhrat Muhammadiev, Ilhom Shomurodov, Dilshod Rahmatullaev, Artur Gevorkyan, Bahrom Abrurahmonov, Sherzod A'zamov, Saydullo Rahmatov, Bobir Abduholiqov
"Al Ahli": Abdulloh Al Muajouf, Fahad Hamad, Muhamad Al Fatil, Hussayn Al Moqavi, Muhammad Abu Radiyah, Solih Muhammad, Islam Hussayn, Muhammad Aman, Marko Antonio, Amir Fahad, Komil Al Musa.
— deya xabar beradi uff.uz nashri.