Qarshida mavsumning ilk rasmiy uchrashuvi bo'lib o'tadi va unda "Nasaf" OChL guruh bosqichi 2-turi doirasida Saudiya Arabistoni vitse-chempioni "Al Ahli" jamoasi bilan kuch sinashadi.
Uchrashuvni jamoalar quyidagi tarkibda boshlaydilar. Ushbu sahifa orqali o'yin tafsilotlari bilan tanishib borishingiz mumkin.
"Nasaf" - "Al Ahli" - 2:1
Gollar: Bobir Abduholiqov 46, Maqsud Karimov 59 - Fahad Hamad 70 (pen)
"Nasaf": Eldorbek Suyunov, Maqsud Karimov, Shuhrat Muhammadiev, Ilhom Shomurodov, Dilshod Rahmatullaev, Artur Gevorkyan, Bahrom Abrurahmonov, Sherzod A'zamov, Saydullo Rahmatov, Bobir Abduholiqov
"Al Ahli": Abdulloh Al Muajouf, Fahad Hamad, Muhamad Al Fatil, Hussayn Al Moqavi, Muhammad Abu Radiyah, Solih Muhammad, Islam Hussayn, Muhammad Aman, Marko Antonio, Amir Fahad, Komil Al Musa
0'. O'yin boshlandi...
2'. Bobir Abduholiqov yiqitildi. Xavfli jarima zarbasi...
3'. Vuxxx!!! Gevorkyan yo'llagan zarba darvoza ustuniga tegib qaytdi. Esiz, bir necha millimetr etishmadi golga...
4'. Ustunlik "Nasaf" tomonida. Qarshiliklar paydar pay hujum uyushtirmoqdalar.
9'. Yana bir xavfli vaziyat. Gevorkyan o'ng qanotdan oldinga o'tib, to'pni jarima maydonchasiga uzatib berdi. Bu o'rinda to'p uchun kurashda "Al Ahli" darvozaboni Abdulloh va Bobir Abduholiqov to'qnashib ketishdi.
13'. Bobir Abduholiqov vaziyatdan ilgarilab ketdi va o'yindan tashqari holatda qoldi.
14'. Gevorkyan qulay vaziyatni yo'qqa chiqardi. Esiz, Shomurodov raqibdan to'pni olib qo'yish uchun ancha mehnat qilgan ediya...
18'. Kichik ustunlik "Nasaf" tomonida. Mana hozir ham Shomurodov hujum tashkil etish uchun yaxshi imkoniyatni yo'qqa chiqardi.
20'. "Al Ahli"ning xavfli ko'ringan hujumini Eldor Suyunov oson bartaraf etdi.
22'. Muhammad Amanga sariq kartochka ko'rsatildi. Bobirni yiqitgani uchun...
22'. O'sha vaziyat uchun belgilangan jarima zarbasidan esa "Nasaf" yana foydalana olmadi.
28'. Fahad Hamad ham sariq kartochkadan benasib qolmadi. "Al Ahli" ancha qo'pol.
33'. Ilk daqiqalardagi shiddat ancha susaygan. O'yinning borishi tenglashdi.
36'. "Nasaf" qarshi hujumga chiqishda to'g'ri harakat qila olmayapti. Maydon markaziga bormay to'p oldirilmoqda.
39'. Past bo'yli Abduholiqov darvoza tomon bosh bilan zarba berdi. Ammo noaniq.
40'. Sherzod A'zamov chalqancha zarba bilan to'pni qaytargani uchun ogohlantirildi. Hakam brazilcha futbolni yoqtirmaydi shekilli. bu vaziyatda xavfli o'yinni ko'rdi...
44'. Tinib-tinchimas Gevorkyan o'ng qanotdan oldinga o'tib tinib-tinchimas Bobir Abduholiqovga to'pni etkazib berdi. Afsus, so'nggi zarba noaniq.
45+2'. Birinchi bo'lim tugadi.
46'. Ikkinchi bo'lim boshlandi. 46'. Goooollll!!!!!
46'. Raqib o'ng qanotda xatoga yo'l qo'ydi va to'p jarima maydonchasi tomon oshirib berildi. Bu erda esa past bo'yi, ha, o'sha past bo'yli Bobir Abduholiqov bosh bilan zarba yo'llab hisobn iochdi.
50'. O'yin shiddati ancha yuqori. Muxlislar esa olqishdan tinganlari yo'q.
53'. Attang, yana bir qulay vaziyat yo'qqa chiqarildi. "Nasaf" futbolchilari nima uchundir shunchaki zarba yo'llash o'rniga, to'pni bir birlariga uzatishni ma'qul ko'rdilar...
57'. Gevorkyan raqib futbolchilarini birin ketin aldab o'tib, to'pni jarima maydonchasiga oshirib berdi. Raqib himoyachisi qiyinchilik bilan xavfni bartaraf etdi.
59'. Goooolllll!!!!
59'. Ajoyib gol! "Nasaf" kuchli pressing qo'lladi va Maqsud Karimov maydon markazida olg'irlik qilib to'pni raqibdan olib qo'yib, Shuhrat Muhammadievga uzatib berdi. Muhammadiev ajoyib texnika tezlik evaziga raqiblarni aldab o'tib, darvoza tomon zarba berdi. Darvozabondan qaytgan to'pni Maqsud Karimovning o'zi darvoza to'riga joyladi...
63'. "Nasaf" o'ta kuchli deb gumon qilingan "Al Ahli"dan har tomonlama ustun o'yin ko'rsatmoqda. O'yin, hujum, gol - qarshiliklarda hamma narsa bor!
65'. "Al Ahli" vaziyatni o'nglash uchun tarkibda bir yo'la ikkita o'zgarish qildi - Husayn Almoqahviy o'rniga Valid Bakshvn, Islom Husayn o'rniga Mutsafa Albasas maydonga tushdi.
70'. Penalti! Afsus, "Al Ahli" o'n bir metrlik belgidan zarba berish huquqini qo'lga kiritdi.
70'. Gol! "Al Ahli" penaltidan hisobni tenglashtirdi.
74'. "Al Ahli"ning qo'polliklari sarhad bilmayapti. Hatto sariq kartochkalarni ham nazarga ilishmayotgandek. Bu safar Volid ogohlantirildi.
77'. Ustunlik "Al Ahli" tomonga ko'chgandek. Bu safar Eldorbek Suyunov ajoyib seyv evaziga kuchli zarbani bartaraf etdi. Takroriy zarba esa offsayddan yo'llangani tufayli bekor qilindi.
82'. Ex, shunday qarshi hujum bekor ketdiya. Gevorkyanga so'nggi pasni berishda aniqlik etishmadi. To'p aniq etib kelganda, Ilhom Shomurodov qulay vaziyatga chiqishi mumkin edi.
87'. Gevorkyan jarima maydonchasi ichida yiqildi, ammo hakamni ishontira olmadi. Penalti yo'q.
89'. "Nasaf"ning shashti ancha pasaygan. Biror o'zgarish qilish shart, shekilli...
90'. Butun o'yingoh Bobir Abduholiqovni olqishlamoqda. Yosh hujumchining o'rniga Sharof Muhiddinov maydonga tushdi.
90'. O'yinga 4 daqiqa qo'shib berildi.
90+1'. Gevorkyan va Abdurahimov burchak to'pini amalga oshirishda vaqtdan yutishga harakat qilib ko'rdilar. To'p raqib tomonda bo'lgani ma'qul, shunisi tinchroq...
90+4'. O'yin tugadi. G'ALABA!
— deya xabar beradi uff.uz nashri.