Xabaringiz bor, 17 oktyabr kuni Jizzax shahridagi “So'g'diyona” stadionida “Nasaf” va “Bunyodkor” jamoalari o'rtasida mamlakat kubogi final uchrashuvi bo'lib o'tadi.
Bu safargi hal qiluvchi bahs “qaldirg'ochlar” uchun sakkizinchi final bo'ladi. Qayd etish kerakki, “Bunyodkor” mamlakat kubogi bahslarida o'ninchi marotaba ishtirok etayotgan bo'lsa, shularning sakkiztasida finalga chiqqan. Faqatgina 2006 va 2011 yillarda jamoamiz kurashni finalga qadar davom ettira olmagan.
“Bunyodkor” safida eng ko'p finallarda ishtirok etish bo'yicha Xayrulla Karimov va Jasur Hasanov etakchi bo'lib turishibdi. Har ikkala futbolchi “qaldirg'ochlar” tarkibida beshtadan final o'yinlarida harakat qilishgan.
Umuman olganda, “Bunyodkor” qatnashgan barcha finallarda ishtirok etgan futbolchilarning umumiy soni 54tani tashkil etmoqda.
— deya xabar beradi uff.uz nashri.