Poytaxtimizdagi “O'zbekiston” sport majmuasida dzyudo kurashi bo'yicha mamlakat chempionati boshlandi. Bu yilgi musobaqada jami 392 nafar dzyudo ustasi 14 vazn toifasida g'oliblik uchun bellashadi.
Kecha mamlakat chempionatining birinchi kuni yuqori vazndagi erkaklar va ayollar o'rtasida musobaqalar o'tkazilib, g'olib va sovrindorlar nomi ma'lum bo'ldi.
Murosasiz kurashlarga boy tarzda kechgan bellashuvlar yakuniga ko'ra, erkaklar o'rtasida Sharofiddin Boltaboev (Qoraqalpog'iston Respublikasi, -81 kg.), Muhammadkarim Xurramov (Samarqand, -91 kg), Erkin Donierov (Buxoro, -100 kg) va Shuhrat To'raboev (Toshkent) o'z vaznlarida oltin medalga sazovor bo'ldilar.
Xotin-qizlar musobaqasida Muhayyo Ibragimova (Xorazm) va Umida Saidova (Navoiy)ga teng keladigan raqib topilmadi.
Bugun erkaklar o'rtasida – 60 kg, - 66 kg, - 73 kg, va mutloq vaznda, ayollar o'rtasida esa - 48 kg, - 52 kg, - 57 kg va - 63 kg. vazn toifasida g'olib va sovrindorlar nomi ma'lum bo'ladi. Saralash musobaqalari 10:00da, final bellashuvlari esa 17:00da boshlanadi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.