Rossiyalik taniqli murabbiy, hozirda Qozog'istonda faoliyat ko'rsatayotgan Aleksey Petrushin qozoq va o'zbek futbolini o'zaro taqqosladi.  Uning fikricha, o'zbek futboli to'g'ri yo'ldan ketmoqda.
"Qozoq futbolini butunlay o'zgartirish kerak. O'z futbolingizni O'zbekistonniki bilan solishtirib ko'ring: u erda futbol — Davlat dasturiga aylangan. Bu esa odamlarni mehnat qilish va olg'a qadam tashlashga undamoqda.
Rossiyada o'ynayotgan qozoqlar ko'pmi? To'g'ri, deyarli hech kim. O'zbeklarchi? Hozirda ularning soni o'ndan ortdi va har yili bu ko'rsatgich o'sib bormoqda.
Ularda bunday futbolchilar qaerdan paydo bo'lmoqda? Chunki — bu mamlakatda futbolni rivojlantirish bilan davlat shug'ullanyapti. O'zbekiston Oliy ligasida 16 jamoa o'ynaydi, birinchi ligada esa ikki mintaqada ko'p jamoalar bor. Shuning uchun ham ularda futbolchi tanlovi katta", — dedi Aleksey Petrushin Vesti.kz narshiga bergan intervyusi chog'ida.
— deya xabar beradi uff.uz nashri.