Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
«Chelsi»ga qarshi o'quvchilar bilan yoki «Siti»ning antiqa tarkibi (InterFUTBOL blogi)
«Manchester Siti»ning antiqa tarkibi. Angliya kubogi 1|8 final bosqichidan o'rin olgan «Chelsi»-«Manchester Siti» o'yini «sensatsion» natija (5:1) bilan tugaganidan xabaringiz bordir. Axir londonliklar joriy mavsum barchaning hafsalasini pir qilib ulgurishdi. «Siti» esa hamon chempionlikka da'vo qilyapti.
Shularni hisobga olsak, «Stemford Brij»dagi natija darhaqiqat, ko'pchilikni ajablantirdi. Ammo ko'rinishidan, Manuel Pellegrini bunga oldindan tayyor edi, chog'i. Harqalay, chililik mutaxassis o'yin arafasidayoq hammani ogohlantirgandi: «Bu o'yinni real qarama-qarshilik o'rnida ko'rmayapman. Shaxsan men chipta uchun bir chaqa ham to'lamasdim. Muxlislar stadionga tushishadimi, «Chelsi» muxlislari o'yindan rohatlanishadimi? Buni bilmadim...». Gap shundaki, «Siti» ustozi Angliya futbolidagi tig'iz taqvimdan g'oyat norozi. Zero, «shaharliklar» safida jarohatlangan futbolchilar ko'p, boz ustiga, klubni kubok o'yinidan 3 kun o'tib, ChLda Kiev «Dinamo»siga qarshi safar bahsi kutib turgandi. Xullas, Pellegrini «Angliya kubogi muammo tug'diryapti», - deya rahbarlarni qandaydir o'zgarish qilishga chaqirdi hamda «Chelsi» bilan o'yinga shunchaki, panja ortidan qaradi, shekilli. Binobarin, «aristokratlar»ga qarshi uchrashuvda o'smirlar jamoasining naq 5 nafar a'zosini asosiy tarkibda maydonga tushirdi...
Manuel GARSIYa
(hujumkor yarim himoyachi, 18 yosh, Ispaniya)
«Siti»dagi debyuti - 2015 yil 22 sentyabr
«Shaharliklar» Garsiyani 2013 yili Xixonning «Sporting» klubi akademiyasidan taklif etishgan. O'sha vaqt yosh futbolchiga «Real» va «Barselona»dek grandlarning skautlari ham «qo'l uzata» boshlagandilar. Aslida Manu Angliyaga yarim yildan so'ng, ya'ni 16 yoshga to'lgachgina ko'chib o'tishi mumkin edi. «Siti» esa kutishga tayyorligini bildirib, «Sporting»ga oldindan 250 ming evro to'ladi. Garsiya maydonda «10-raqam» pozitsiyasida o'ynashga moyil. U ayniqsa, keskinlikni oshiruvchi tezkor uzatmalari bilan ko'zga tashlanmoqda. Yana dribling mahorati va zarbasi ham chakki emas. Deylik, 2014 yilning oktyabrida ajoyib goli bilan o'smirlar doirasidagi «Manchester derbisi»da «Siti»ga g'alaba keltirgandi. Umuman, ispan yigiti asosiy jamoada ham o'z gollari hisobini ochib ulgurgan. Ya'ni Liga kubogida «Kristal Pelas»ning 5:1 hisobida mag'lub etilishiga hissa qo'shgandi. Manuel ayni payt «Siti» mashg'ulotlar majmuasida yashaydi va shahar markaziga borish uchun asosan tramvaydan foydalanadi. Garsiyaning esida qolgan ilk jahon chempionati - bu Germaniya-2006 mundiali. Harqalay, Manu Goal.com saytiga bergan intervyusida bu haqda shunday degandi: «JCh-2006dan yarim yilcha oldin ham Dennis Berkgamp haqida hech narsa eshitmagandim. Keyin esa uning harakatlari aks etgan videolavhalarni tinimsiz tomosha qila boshladim. Chunki Dennis aql bovar qilmas futbolchi edi...».
Bersant Tselina (vinger, 19 yosh, Kosovo)
«Siti»dagi debyuti: 2016 yil 9 yanvar
Tselina sobiq Yugoslaviyaning Priznen shahrida tug'ilgan. Hozirda bu joy deyarli Kosovo hukumati nazoratida. Bersant 2 yoshga to'lgan payti uning oilasi Norvegiyaga ko'chib o'tadi. Qisqasi, Tselina aynan Skandinaviya mamlakatida, aniqrog'i, «Stremsgodset» akademiyasida tahsil olgan. «Siti» rahbariyati esa norvegiyaliklar bilan yaxshi aloqalarni yo'lga qo'ygan. Ana shu munosabat o'laroq, Bersant Manchester klubi tizimidan joy oldi va oradan 2 yil o'tib, ilk professional shartnomaga ega bo'ldi. U chaqmoq tezligi hamda ayyorona zarbalari evaziga har ikki qanotda vinger vazifasini bajarishi, hattoki, hujumchi sifatida to'p surishi mumkin. Tselina faoliyatidagi eng qiziq holat terma jamoa tanloviga bog'liq.
U o'smirlar darajasida Norvegiya termasi uchun barqaror o'ynadi. Keyin esa Kosovoda norasmiy milliy jamoa tuzildi va 2014 yili yosh yigitcha uning ilk o'rtoqlik o'yinida maydonga tushdi. Ikkilanish shu bilan yakunlangani yo'q. Ya'ni Tselina o'tgan yili Norvegiya yoshlar termasi libosini kiydi. Lekin jamoa mutasaddilari unga zaxira futbolchisi sifatida qarashdi. Natijada o'rtada tushunarsiz mojaro yuzaga keldi. Yakunda norvegiyaliklar Bersantga asosiy tarkibdan joy kafolatlashni istashmadi va futbolchi yakuniy qarorini e'lon qildi: «Tamom, men Kosovo uchun o'ynayman». Endilikda 19 yoshli tezkor yigitcha kosovoliklarni sardor sifatida maydonga olib tushmoqchi. Umuman, yanvar oyida «Seltik», «Midlsbro» va «Derbi Kaunti» klublari Tselinani o'z saflariga taklif qilishdi, ammo Manuel Pellegrini uni ijaraga jo'natishni qat'iyan taqiqlab qo'ydi. Axir Samir Nasri va Kevin de Bryuyne jarohatlanishgan, ularga munosib o'rinbosar esa yo'q.
Aleysh GARSIYa (yarim himoyachi, 18 yosh, Ispaniya)
«Siti»dagi debyuti: 2016 yil 21 fevral
Aleysh - «Vilyarreal» tarbiyalanuvchisi. U o'tgan mavsum oxirida primerodagi debyutini nishonlagandi. Demakki, agar yozda «Siti»ning e'tiboriga tushmaganida, joriy chempionatda «Sariq suvosti kemasi» asosiy tarkibida bemalol o'ynashi mumkin edi. Aytish joiz, «shaharliklar» Garsiya uchun naq 2 mln. funt to'lashdi. Ammo klubda hech kim uni darhol kattalar jamoasiga qo'shishni o'ylamadi. Bu tabiiy hol. Oddiy aytganda, inglizlar Aleysh avvaliga o'smirlar tarkibida o'ynab, Britaniyaning murakkab futboliga moslashishini istashdi. Manuel Garsiya va Tselina anchadan buyon asosiy tarkib vakillari bilan shug'ullanayotgan bo'lsalar, Aleyshga bunday imkoniyat yaqindagina berildi. Ya'ni u «Les-ter»ga qarshi o'yin (1:3) oldidan ilk marta asosiy jamoa mashg'ulotlarida ishtirok etdi. Garsiya asosan yarim himoyaning oxirgi pozitsiyasida harakatlanadi, lekin shuning barobarida hujumga yaxshi qo'shiladi. To'p uzatish qobiliyati va zarbasi yomon emas. Deylik, Ispaniyaning U-18 toifasidagi terma jamoasida 2ta o'yinda 2ta gol urdi. Shuningdek, Angliyada ham yoshlar o'yini chog'i beqiyos gol muallifiga aylandi.
David Fopalya (hujumchi, 19 yosh, Frantsiya)
«Siti»dagi debyuti: 2016 yil 21 fevral
Fopalya ham xuddi Aleysh Garsiya kabi «Siti» tarbiyalanuvchisi hisoblanmaydi. U Angliyaga avvalgi yili ko'chib o'tdi - tekinga. Gap shundaki, «Lans» klubi 2014 yili Davidni «Uotford»ga qo'yib yuborishni istamadi. Futbolchi bundan shunchalik ranjidiki, klub rahbariyatiga shartnomasini uzaytirmasligini va kelishuv muddati yakunlanishi bilan hech qanday afsuslanishsiz duch kelgan jamoaga yo'l olishini bildirdi. E'tiborlisi, Fopalya shu mojarodan oldin ham, keyin ham «Lans»ning asosiy tarkibida biror marta o'ynagani yo'q. Mana, endi «Siti» asosiy jamoasidagi debyut o'yinidayoq gol urdi. Har kimga ham birinchi golini «Stemford Brij»da nishonlash nasib etmaydi, ammo hisob... Aytgancha, frantsiyalik futbolchi bungacha «Manchester»ning o'smirlar jamoasida 11 marta maydonga tushib, raqiblar darvozasini 4 marta ishg'ol qilgandi.
Davomi InterFUTBOL gazetasi blogida.
— deya xabar beradi uff.uz nashri.
Shularni hisobga olsak, «Stemford Brij»dagi natija darhaqiqat, ko'pchilikni ajablantirdi. Ammo ko'rinishidan, Manuel Pellegrini bunga oldindan tayyor edi, chog'i. Harqalay, chililik mutaxassis o'yin arafasidayoq hammani ogohlantirgandi: «Bu o'yinni real qarama-qarshilik o'rnida ko'rmayapman. Shaxsan men chipta uchun bir chaqa ham to'lamasdim. Muxlislar stadionga tushishadimi, «Chelsi» muxlislari o'yindan rohatlanishadimi? Buni bilmadim...». Gap shundaki, «Siti» ustozi Angliya futbolidagi tig'iz taqvimdan g'oyat norozi. Zero, «shaharliklar» safida jarohatlangan futbolchilar ko'p, boz ustiga, klubni kubok o'yinidan 3 kun o'tib, ChLda Kiev «Dinamo»siga qarshi safar bahsi kutib turgandi. Xullas, Pellegrini «Angliya kubogi muammo tug'diryapti», - deya rahbarlarni qandaydir o'zgarish qilishga chaqirdi hamda «Chelsi» bilan o'yinga shunchaki, panja ortidan qaradi, shekilli. Binobarin, «aristokratlar»ga qarshi uchrashuvda o'smirlar jamoasining naq 5 nafar a'zosini asosiy tarkibda maydonga tushirdi...
Manuel GARSIYa
(hujumkor yarim himoyachi, 18 yosh, Ispaniya)
«Siti»dagi debyuti - 2015 yil 22 sentyabr
«Shaharliklar» Garsiyani 2013 yili Xixonning «Sporting» klubi akademiyasidan taklif etishgan. O'sha vaqt yosh futbolchiga «Real» va «Barselona»dek grandlarning skautlari ham «qo'l uzata» boshlagandilar. Aslida Manu Angliyaga yarim yildan so'ng, ya'ni 16 yoshga to'lgachgina ko'chib o'tishi mumkin edi. «Siti» esa kutishga tayyorligini bildirib, «Sporting»ga oldindan 250 ming evro to'ladi. Garsiya maydonda «10-raqam» pozitsiyasida o'ynashga moyil. U ayniqsa, keskinlikni oshiruvchi tezkor uzatmalari bilan ko'zga tashlanmoqda. Yana dribling mahorati va zarbasi ham chakki emas. Deylik, 2014 yilning oktyabrida ajoyib goli bilan o'smirlar doirasidagi «Manchester derbisi»da «Siti»ga g'alaba keltirgandi. Umuman, ispan yigiti asosiy jamoada ham o'z gollari hisobini ochib ulgurgan. Ya'ni Liga kubogida «Kristal Pelas»ning 5:1 hisobida mag'lub etilishiga hissa qo'shgandi. Manuel ayni payt «Siti» mashg'ulotlar majmuasida yashaydi va shahar markaziga borish uchun asosan tramvaydan foydalanadi. Garsiyaning esida qolgan ilk jahon chempionati - bu Germaniya-2006 mundiali. Harqalay, Manu Goal.com saytiga bergan intervyusida bu haqda shunday degandi: «JCh-2006dan yarim yilcha oldin ham Dennis Berkgamp haqida hech narsa eshitmagandim. Keyin esa uning harakatlari aks etgan videolavhalarni tinimsiz tomosha qila boshladim. Chunki Dennis aql bovar qilmas futbolchi edi...».
Bersant Tselina (vinger, 19 yosh, Kosovo)
«Siti»dagi debyuti: 2016 yil 9 yanvar
Tselina sobiq Yugoslaviyaning Priznen shahrida tug'ilgan. Hozirda bu joy deyarli Kosovo hukumati nazoratida. Bersant 2 yoshga to'lgan payti uning oilasi Norvegiyaga ko'chib o'tadi. Qisqasi, Tselina aynan Skandinaviya mamlakatida, aniqrog'i, «Stremsgodset» akademiyasida tahsil olgan. «Siti» rahbariyati esa norvegiyaliklar bilan yaxshi aloqalarni yo'lga qo'ygan. Ana shu munosabat o'laroq, Bersant Manchester klubi tizimidan joy oldi va oradan 2 yil o'tib, ilk professional shartnomaga ega bo'ldi. U chaqmoq tezligi hamda ayyorona zarbalari evaziga har ikki qanotda vinger vazifasini bajarishi, hattoki, hujumchi sifatida to'p surishi mumkin. Tselina faoliyatidagi eng qiziq holat terma jamoa tanloviga bog'liq.
U o'smirlar darajasida Norvegiya termasi uchun barqaror o'ynadi. Keyin esa Kosovoda norasmiy milliy jamoa tuzildi va 2014 yili yosh yigitcha uning ilk o'rtoqlik o'yinida maydonga tushdi. Ikkilanish shu bilan yakunlangani yo'q. Ya'ni Tselina o'tgan yili Norvegiya yoshlar termasi libosini kiydi. Lekin jamoa mutasaddilari unga zaxira futbolchisi sifatida qarashdi. Natijada o'rtada tushunarsiz mojaro yuzaga keldi. Yakunda norvegiyaliklar Bersantga asosiy tarkibdan joy kafolatlashni istashmadi va futbolchi yakuniy qarorini e'lon qildi: «Tamom, men Kosovo uchun o'ynayman». Endilikda 19 yoshli tezkor yigitcha kosovoliklarni sardor sifatida maydonga olib tushmoqchi. Umuman, yanvar oyida «Seltik», «Midlsbro» va «Derbi Kaunti» klublari Tselinani o'z saflariga taklif qilishdi, ammo Manuel Pellegrini uni ijaraga jo'natishni qat'iyan taqiqlab qo'ydi. Axir Samir Nasri va Kevin de Bryuyne jarohatlanishgan, ularga munosib o'rinbosar esa yo'q.
Aleysh GARSIYa (yarim himoyachi, 18 yosh, Ispaniya)
«Siti»dagi debyuti: 2016 yil 21 fevral
Aleysh - «Vilyarreal» tarbiyalanuvchisi. U o'tgan mavsum oxirida primerodagi debyutini nishonlagandi. Demakki, agar yozda «Siti»ning e'tiboriga tushmaganida, joriy chempionatda «Sariq suvosti kemasi» asosiy tarkibida bemalol o'ynashi mumkin edi. Aytish joiz, «shaharliklar» Garsiya uchun naq 2 mln. funt to'lashdi. Ammo klubda hech kim uni darhol kattalar jamoasiga qo'shishni o'ylamadi. Bu tabiiy hol. Oddiy aytganda, inglizlar Aleysh avvaliga o'smirlar tarkibida o'ynab, Britaniyaning murakkab futboliga moslashishini istashdi. Manuel Garsiya va Tselina anchadan buyon asosiy tarkib vakillari bilan shug'ullanayotgan bo'lsalar, Aleyshga bunday imkoniyat yaqindagina berildi. Ya'ni u «Les-ter»ga qarshi o'yin (1:3) oldidan ilk marta asosiy jamoa mashg'ulotlarida ishtirok etdi. Garsiya asosan yarim himoyaning oxirgi pozitsiyasida harakatlanadi, lekin shuning barobarida hujumga yaxshi qo'shiladi. To'p uzatish qobiliyati va zarbasi yomon emas. Deylik, Ispaniyaning U-18 toifasidagi terma jamoasida 2ta o'yinda 2ta gol urdi. Shuningdek, Angliyada ham yoshlar o'yini chog'i beqiyos gol muallifiga aylandi.
David Fopalya (hujumchi, 19 yosh, Frantsiya)
«Siti»dagi debyuti: 2016 yil 21 fevral
Fopalya ham xuddi Aleysh Garsiya kabi «Siti» tarbiyalanuvchisi hisoblanmaydi. U Angliyaga avvalgi yili ko'chib o'tdi - tekinga. Gap shundaki, «Lans» klubi 2014 yili Davidni «Uotford»ga qo'yib yuborishni istamadi. Futbolchi bundan shunchalik ranjidiki, klub rahbariyatiga shartnomasini uzaytirmasligini va kelishuv muddati yakunlanishi bilan hech qanday afsuslanishsiz duch kelgan jamoaga yo'l olishini bildirdi. E'tiborlisi, Fopalya shu mojarodan oldin ham, keyin ham «Lans»ning asosiy tarkibida biror marta o'ynagani yo'q. Mana, endi «Siti» asosiy jamoasidagi debyut o'yinidayoq gol urdi. Har kimga ham birinchi golini «Stemford Brij»da nishonlash nasib etmaydi, ammo hisob... Aytgancha, frantsiyalik futbolchi bungacha «Manchester»ning o'smirlar jamoasida 11 marta maydonga tushib, raqiblar darvozasini 4 marta ishg'ol qilgandi.
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
433