Madridning “Real” jamoasi hujumchisi Krishtianu Ronaldu og'ir mehnat orqali bugungi darajaga erishganini hamda orzusidagi gol haqida aytib o'tdi. “Hozirgi darajada o'ynashim uchun ko'p yillik mehnat talab qilindi. Men yuqori darajada to'p surishda davom etmoqchiman. Iqtidorning o'zi etarli emas. Mehnat qilmasang, barchasi befoyda bo'ladi. So'nggi 10 yil ichida bir xil tempda o'yin olib boryapman. “Real” safida yana ko'plab yutuqlarga erishish niyatim bor. Muxlislarni xursand qilish orqali ilhom olaman va ishlashda davom etaman. Men ko'plab chiroyli gollarni kiritganman. Mening orzuim – 11 futbolchini aldab gol kiritish. Bunday gollar faqat o'yinlarda bo'ladi. Hayotda esa bunday gol kiritish amri mahol, yana kim biladi deysiz”, — deydi portugaliyalik futbolchi. 
— deya xabar beradi uff.uz nashri.