Madridning «Real» jamoasini shu paytgacha 47 nafar murabbiy boshqarib kelishgan. Biz «Qirollik klubi» tarixiga nazar solib, eng kuchli murabbiylar TOP-7 ligini aniqlashga harakat qildik.  
7. Leo Benxaker
Boshqargan davri: 1986-1989, 1992 yillar
Statistikasi: 197 o'yin, 121 g'alaba, 47 durang, 29 mag'lubiyat. To'plar nisbati: 404-185
Yutuqlari: (6 ta) Ispaniya chempioni (3), Ispaniya kubogi sohibi (1), Ispaniya superkubogi g'olibi (2).
Benxaker «Real»ga ikki marta murabbiy etib tayinlangan. Birinchi urinishda u 3 yil ishlagan bo'lsa, ikkinchisida 6 oy faoliyat olib bordi. Leo «Blankos» muzeyiga 6 ta kubokni olib keldi. Jamoa uning davrida 3 bora La Liga chempioni bo'lganligi tahsinga sazovordir.
6. Karlo Anchelotti
Boshqargan davri: 2013-2015 yillar
Statistikasi: 119 o'yin, 89 g'alaba, 14 durang, 16 mag'lubiyat. To'plar nisbati: 323-103.
Yutuqlari: (4 ta)Ispaniya kubogi (1), Chempionlar ligasi g'olibi (1), Evropa superkubogi egasi (1), Klublar o'rtasidagi jahon chempioni (1)
Italiyalik mutaxassis «Real»dagi dastlabki mavsumidayoq 4 ta kubokni qo'lga kiritdi. Anchelotti «galaktikos»ning tarixiy Chempionlar ligasidagi 10-yutuqni qo'lga kiritishini taminlab berdi. Shuningdek Don Karlo davrida «Qirollik klubi» ketma-ket 22 ta g'alabaga erishib, rekord o'rnatishga muvaffaq bo'ldi.
5. Luis Karnigliya
Boshqargan davri: iyun, 1957-1959, 1959 yillar
Statistikasi: 81 o'yin, 56 g'alaba, 12 durang, 13 mag'lubiyat. To'plar nisbati: 206-74.
Yutuqlari: (3 ta) Ispaniya chempioni (1), Chempionlar kubogi g'olibi (2)
Karnigliya «Real»da ikki marta bosh murabbiylik qilgan. U jamoani 2,5 mavsum davomida boshqarib atigi 3 ta kubokni qo'lga kiritdi. Biroq ana shu 3 ta sovrinning, 2 tasi Chempionlar kubogida erishilgani uning qadrini baland qiladi. Luis shuningdek 1 marta jamoasini mamlakat chempioni qilgan.
Davomi Furqat Yusupov blogida.
— deya xabar beradi uff.uz nashri.