Evropada hozir Suares, Messi va Neymar uchligiga etadigani yo'q. Shiddat, tezkorlik, mahsuldorlik borasida ayni paytda ular tengsiz bo'lib turibdi. Tafsilot.uz ko'hna qit'aning kuchli besh chempionati vakillari orasidan ularga raqobat qilishi mumkin bo'lgan triolarni qidirib ko'rdi.
Aguero, de Breyne, Sterling – 41 (19+12+10)
Angliya premer ligasida kishi boshiga urilgan gollar bo'yicha eng hujumkor uchlik "Manchester Siti"da. Ushbu mavsumda Aguero, de Breyne va Sterling barcha turnirlarda 41 ta to'p kiritishdi. "Shaharliklar" yulduzlarini "Lester"ning hujumkor uchligi izma-iz ta'qib etib kelmoqda. Vardi (19), Mahrez (15) hamda Okazaki (5) hozirgacha 39 gol urishdi. "Tulkilar"ning evrokuboklarda qatnashmayotganiniyam inobatga olish kerak.
Iguain, Insine, Kalexon – 48 (26+12+10)
"Napoli"ning to'purarlik bobida "Yuventus"dek grandni, umuman, Italiya chempionatining barcha ishtirokchilarini ortda qoldirishi kakdan kam uchraydigan holat. Har holda yaqin orada bunday bo'lmagandi. Ayni paytda "A Seriya"ning eng yaxshi to'purari bo'lib turgan Iguainning hisobida 24 ta o'yinda urilgan 26 ta gol bor. Hisob-kitoblar uning maydonga tushgan o'yinlarida har 91,2 minutda gol urayotganini ko'rsatmoqda.
Ibrahimovich, Kavani, di Mariya – 59 (29+17+13)
"PSJ" barcha ko'rsatkichlarga ko'ra Frantsiyadagi eng yaxshi jamoa, Ibrohimovich esa eng yaxshi to'purar. Shved "PSJ" safida ushbu mavsumdagi gollarini qo'shib hisoblaganda Frantsiya tarixidagi eng yaxshi to'purarga aylandi. Hozir uning hisobida 98 ta gol bor. U bu natijaga 112 ta o'yinda erishganini alohida e'tirof etish kerak.
Davomi Tafsilot.Uz blogida.
— deya xabar beradi uff.uz nashri.