Ertaga katta futbol mavsumi start oladi. "Mash'al" birinchi turni safarda "Qizilqum"ga qarshi boshlaydi.
 
Mazkur bahsga "Mash'al" jiddiy tayyorgarlik olib bordi. Hozirda Navoiydagi "Grand Zarafshon" mehmonxonasida bo'lib turgan futbolchilar bugun 18:00 da "Yoshlik" sport majmuasi stadionida o'yin oldi rasmiy mashg'ulotlarini o'tkazadi. Asosiy tarkib jamoalar o'yini ertaga ushbu stadionda 17:00 da start oladi. O'yin oldidan Navoiy shahrida futbol mavsumining ochilishiga bag'ishlangan tadbir bo'lib o'tadi va chempionat bayrog'i ko'tariladi.

Bugun 15:00 da "Kimyogar" stadionida esa yoshlar jamoalari maydonga chiqadi.
— deya xabar beradi uff.uz nashri.