Italiya chempionatining 28-turidan o'rin olgan “Roma” hamda “Fiorentina” klublari o'rtasidagi uchrashuv o'z nihoyasiga etdi. Unda 4:1 hisobi qayd etilib, rimliklarning g'alabasi bilan yakunlandi. Dastlab, o'yinning 22-daqiqasidayoq Stefan El-Shaaravi mezbonlarni hisobda oldinga olib chiqdi. Oradan uch daqiqa o'tar-o'tmas Muhammad Salah raqib darvozasiga ikkinchi to'pni kiritdi. Taym oxiriga qadar Perotti hisobni yirik 3:0 ko'rinishga olib keldi. Birinchi bo'limga qo'shib berilgan vaqtda esa Ililich penaltidan bitta golga javob qaytardi. Ikkinchi bo'limda esa yana Salah o'zining ushbu uchrashuvdagi ikkinchi golini kiritib, yakuniy 4:1 hisobini tabloda aks ettirdi. Shu tariqa, “Roma” o'z maydonida “Fiorentina”ni tor-mor keltirdi. Italiya chempionati, 28-tur Roma – Fiorentina 4:1 (3:1, 1:0)
Gollar: 1:0 – 22 El-Shaaravi, 2:0 – 25 Salah, 3:0 – 38 Perotti, 3:1 – 45, penalti Ilichich, 4:1 – 58 Salah.
Roma – Shchensni, Florentsi, Manolas, Ryudiger, Din, Pyanich, Keyta, Nainggolan, Perotti (Venker, 62), Salah (Jeko, 86), El-Shaaravi (Totti, 76).
Fiorentina – Teterushanu, Ronkalya, Rodriges, Astori, Alonso, Vesino (Badel, 34), Tino Kosta, Bernardeski, Ilichich (Fernandes, 68), Valero (Telo, 29), Kalinich.
Ogohlantirishlar: Badel (40), Salax (42), Pyanich (44), Bernardeski (80), Tino Kosta (89), Nainggolan (90).
— deya xabar beradi uff.uz nashri.