Bugun O'zbekiston milliy chempionati — Oliy liga-2016 musobaqasiga start beriladi. Yurtimizdan bir qator shaharlarida milliy birinchiligimiz bayroqlari ko'tariladi. Nima bo'lsa ham bu o'zimizning chempionat - o'zimizning klublar. Ularga bo'lgan e'tibor baribir boshqacha.
Demak, bugun turni "Qo'qon-1912" - "Obod" hamda "Metallurg" - "So'g'diyona" uchrashuvlari ochib beradi. Bu o'yinlar soat 16.00da boshlanadi. Undan keyin "Buxoro" - "Olmaliq" bellashuviga guvoh bo'lamiz. O'tgan yilning so'nggi turida jon saqlab qolgan buxoroliklar yangi mavsumga o'zgacha hozirlik ko'rishgan.
Zarafshonda "Qizilqum" - "Mash'al" o'yin boshlansa, Toshkentda "Bunyodkor" jamoasi Farg'onining "Neftchi" klubini qabul qiladi.
Ertaga "Navbahor"- "Lokomotiv" hamda "Nasaf" - "Sho'rtan" uchrashuvlariga guvoh bo'lamiz. "Paxtakor" ikki kun o'tib, "Andijon"ni qabul qiladi.
Yangi mavsumda barcha jamoalarimizga omad tilaymiz. Nazarimizda, bu yil futbolimizda o'sish kuzatiladi. Ha, shunday. Mana, Toshkent klublari safiga jiddiy maqsadlarni qo'ygan "Obod" klubi qo'shildi. Qashqadaryoda "Nasaf" to'laqonli etakchi maqomiga aylanmoqda. Farg'onaliklar "Neftchi"ga umid bilan qarashmoqda. Yangi qurib bitkazilgan stadionda "Neftchi" istalgan jamoani yutishga qodirdir.
Xullas, 2016 yilgi mavsum tarix sahifalariga zarhal harflar bilan kirishiga shubhamiz yo'q. Biz "toza" va halol o'yin tarafdorimiz. Agar qaysidir klub boshqasiga o'yinni "berib" yuborsa endi qarab turmaylik. Ularni fosh qilaylik.
Umid qilamiz, mazkur mavsumda bunday holatlarga guvoh bo'lmaymiz.
Ushbu tur anonsi bilan tanishing: 1-tur 05.03.2016 16.00   Qo'qon-1912 - Obod 16.00   Metallurg - So'g'diyona 16.45   Buxoro - Olmaliq 17.00   Qizilqum - Mash'al 18.00   Bunyodkor - Neftchi 06.03.2016 16.00   Navbahor - Lokomotiv 17.00   Nasaf - Sho'rtan 07.03.2016 17.30   Paxtakor - Andijon
— deya xabar beradi uff.uz nashri.