Bir necha kunlar avval Klaudio Pisarro o'zining hisobiga aql bovar qilmas yana bir rekord yozib qo'ydi. Ajablanarlisi shundaki, Perulik afsona eng yoshi ulug' het-trik sohibi bo'ldi. Hozir biz sizlarga bu noyob va hamda Germaniya chempionatining eng ustivor xotijlik futbolchisi borasida so'z yuritmoqchimiz.
Pisarroning yangi rekordi so'zsiz diqqatga sazovor natijadir. 37,5 yoshli forvard “Bayer”ga qarshi bellashuvda o'z hisobiga 3 gol yozdirib qo'ydi. Bundesligada ilgari biron-bir futbolchi bunday yoshda ushbu yuksak natijaga erishmagan. Burungi rekord Manfred Burgsmyullerga tegishli bo'lgan. U 36 yosh-u 7 oyligida raqiblar darvozasini 3 bora ishg'ol qilib, yangi va yuksak natijani o'z hisobiga rasmiylashtirgan. Shunday bo'lsa ham, bu Klaudioning asosiy natijasi emasdir.
Asosiy mavzu bo'ylab davom etishdan oldin 2 dalilga e'tiborimizni qaratishimiz zarur. Birinchidan, u o'tkazilgan 407 uchrashuv bilan Bundesliganing bosh gvardiyachisi hisoblanadi. Futbolchining ta'qibchilari hamon ancha ortda. Hozirgi futbolchilarga nazar tashlasak, ularga Pisarroga yaqinlashish uchun hattoki 2 mavsum ham kifoya qilmaydi. Ikkinchidan esa, perulik hujumchi to'purarlik bobida ham o'z samaradorligi bilan ajralib turadi. Bundesliganing xorijlik to'purarlari ro'yxatida u faxrli 5-o'rinni band etib turibdi. Undan ilgarilab ketgan afsonaviy to'pchilar Gerd Myuller, Klaus Fisher, Yupp Haynkess va Manfred Bungsmyullerlarni tashkil etadi.
Bundesliga – bu Pisarroga xos bo'lgan o'zgacha ligadir, boisi u o'z kuchini Primer Ligada ham sinab ko'rgan. Ammo, “Chelsi”dagi yagona mavsum o'zining ikkinchi vataniga qaytishiga etarli bo'ldi. Pisarro “Kantola” klubi tarbiyalanuvchisi hisoblanadi.Professional faoliyatini “Deportivo Peskero” jamoasi safida boshlagan. So'ngra, “Alyans” klubi futbolchining keying manzili bo'lgan va 2 yildan so'ng, “Germaniyaning “Verder” klubi 1.5 million evro evaziga Klaudio bilan sharnima imzolagan. Afsonaning cho'qqiga chiqishiga dastlabki ustozi Tomas Shaaf sababchi bo'lgan va uning qo'llab-quvvatlashi Pisarroni dastlabki mavsumidayoq “musiqachilar” safida 15 gol kiritishiga olib keldi.
Evropaning nomdor grandlari Pisarroni kamtarona bremenliklarga ko'p ko'rishdi. “Borussiya D”, “Bavariya”, “Chelsi”, “Barselona” va “Real”dan iborat bo'lgan grandlar 2001 yilda futbolchi uchun jang olib borishdi va oxir-oqibat uloqni Myunhenning “Bavariya”si ilib ketdi va bu transfer o'z samarasini to'liqligicha oqladi, desak mubolag'a bo'lmaydi. “Alyans Arena”dagi 6 mavsumda u naqd 100 marotaba gol kiritdi va bir qancha titullarni qo'lga kiritdi. Uzoq cho'qqilarni zabt etgach, afsona keyingi manzilini “Stemford Bridj” tomon yo'lladi. Londonda omadi chopmagach, Bundesliga yana uni o'z bag'riga chorladi. Pisarro faoliyatida yana bir qator shonli sahifalarga ega. Hayratlanarli jihati shundaki, u dastlabki professional klubidagi ishtirokidan so'ng keyinchalik yana 2 marotaba “musiqachi”lar safida paydo bo'lgan va bundan tashqari u faoliyatini 2 marotaba boshqa bir klub “Bavariya” bilan bog'lagan. Myunxendagi so'nggi mavsumini Yupp Haynkess boshchiligida o'tkazgan.
Davomi Penalti.uz blogida.
— deya xabar beradi uff.uz nashri.