Qo'qonga katta futbol shukuhi kirib keldi. Bugun Oliy liga 1-tur doirasida “Qo'qon-1912” – “Obod” uchrashuvi bilan navbatdagi milliy chempionat bahslariga start berildi. Shu bois o'yin oldidan maxsus kontsert dasturi bo'lib o'tdi.
Keyin esa Qo'qon shahar hokimi Akramjon Anorqulovich Abdullaev so'zga chiqib muxlislarni futbol mavsum boshlangani bilan qutladi hamda “Qo'qon-1912” jamoasiga yangi mavsumda omad yor bo'lishini tiladi.
Shundan keyin ikki jamoa sardorlari – Andrey Baklanov va Doniyorbek Hasanovlar O'zbekiston madhiyasi ostida 25-milliy chempionat bayrog'ini kutarishdi.
Bosh hakam Ilgiz Tantashevning hushtagi chalingach, o'yin boshlandi. Uchrashuv vakillarimizning hujumlari bilan boshlandi.
Ilk daqiqalardan Murodjon Ismoilov shogirdlari tezkor gol kiritish uchun oldinga tashlanishdi.  3-daqiqadayoq Otabek Zokirov qulay imkoniyatni qo'ldan boy berdi.
Umuman olganda, dastlabki 20 daqiqa jamoamizning ustunligi ostida o'tdi.
Keyinchalik o'yin biroz teglashdi. Bo'limning so'nggi daqiqalarida esa yana tashabbus maydon egalari tomoniga o'tdi. Biroq, yana o'sha vaziyatlarni golga aylantirishdagi sustkashliklar oqibatida dastbalki taymda hisob ochilmadi.
Aytgancha, bugungi o'yinda muxlis uchun ikkita yangilik joriy etildi. Birinchisi endi har bir o'yin boshlanishidan avval stadionga to'p quyadigan maxsus moslama o'rnashtiriladi. Ikkinchisi  esa jamoa tarkibi e'lon qilinganda tabloda ismi zikr etilgan futbolchining rasmi paydo bo'ladi. Bularning barchasi muxlislarimizga qo'laylik  yaratish uchun qilingan ishlardir.
Ikkinchi bo'lim ham xuddi birinchisi kabi vakillarimizing hujumlari bilan boshlandi. Jamoamiz futbolchilari oldinga intilgan vaziyatlarda mehmonlar qarshi hujumlari xavfli ko'rinish ola boshladi.
57-daqiqada mehmonlar futbolchisi o'yindan tashqari holatda qolib ketganiga qaramay, to'pni darvozaga kiritdi. Tabbiyki, bosh hakam golni inobatga olmadi.
74-daqiqada hisob ochildi. Burchakdan oshirilgan to'pni Ilya Ilin boshi bilan darvozaga aniq yo'lladi – 1:0.
77-daqiqada mehmonlar hisobni tenglashtirish uchun yaxshi imkoniyat hosil qilishdi. Ammo Andrey Baklanov katta qiyinchilik bilan to'pni qaytarishga erishdi. Balli, Andrey! Sendan maa shunday mardonavor o'yinlar kutib qolamiz.
87-daqiqada Otabek Haydarov hakam tomonidan qizil kartochka olib maydonni tark etdi.
Hakam qo'shib berilgan daqiqada mehmonlar hisobni tenglashtirishlari mumkin edi. Andrey Baklanov yana mahorat ko'rsatdi.
Oliy liga, 1-tur
“Qo'qon-1912” – “Obod” 1:0 (0:0)
Gol: Ilya Ilin-74.
“Qo'qon-1912”: 16. Andrey Baklanov, 5. Jalil Kimsanov, 6. Bahodir Akramov (25. Alisher Ziyavuddinov-60), 7. Otabek Zokirov, 10. Otabek Haydarov, 11. Navro'z Alimov (Aziz To'xtaboev 75), 20. Doston Tursunov, 23. Furqat Hasanboev (33. Abdul Aziz Yusupov-62),  24. Ilya Ilin, 28. Abdullox Olimov,  31. Oybek Nurboev.
Zaxira: 21. G'ayrat Hasanov, 4. Mirjalol Qurbonov, 22. Orif Mamajonov.
“Obod”: 12. Dilshod Hamraev, 4. Xurshid G'iyosov, 5. G'ayrat Umirov, 6. Sherzod Jalilov, 7. Javohir Qahramonov (14. Akbar Xo'jaev-87), 8. Doniyor Hasanov, 9. Pavel Solomin (15. Sanjar Baratov-65), 10. Alisher Azizov (13. Umid Matmusaev-79), 11. Shoxruz Norxonov, 18. Sanjar To'raqulov, 23. Javlon Iskandarov.
Zaxira: 1. Umid Yarbekov, 2. Abror Husinov, 19. Abbos Ikromov, Islom Ismoilov.
— deya xabar beradi uff.uz nashri.