Angliya chempionatining 29-turidan o'rin olgan “Tottenxem” hamda “Arsenal” klublari o'rtasidagi uchrashuv o'z nihoyasiga etdi. Unda jamoalar murosa ko'chasini tanlashdi. Anchagina qiziqarli chiqqan o'yinda dastlab Aaron Remzi o'z goli bilan “Arsenal“ni hisobda oldinga olib chiqdi. Ikkinchi bo'limda esa “Tottenxem“ ikki daqiqa ichida raqib darvozasiga ikkita gol kiritishga muvaffaq bo'ldi. Dastavval Alderveyreld muvozanatni tiklagan bo'lsa, keyin esa Keyn hisobni 2:1 ko'rinishga olib keldi. Ammo, Venger jamoasi Koklen maydondan chetlatilganidan so'ng o'n kishi bo'lib qolganiga qaramay, Sanchesning hatti-harakatlari esa javob golini kiritishga muvaffaq bo'ldi. Final hushtagiga qadar ikki jamoada ham vaziyatlar bo'ldi, ammo 2:2 hisobi tabloda saqlanib qoldi. Angliya chempionati, 29-tur Tottenxem – Arsenal 2:2 (0:1, 2:1)
Gollar: 0:1 – 39 Remzi, 1:1 – 60 Alderveyreld, 2:1 – 62 Keyn, 2:2 – 76 Sanches.
Tottenxem – Loris, Vimmer, Alderveyreld, Rouz (Devis, 78), Dayer, Alli, Dembele (Son Xiin Min, 82), Lamela (Meyson, 67), Eriksen, Uoker, Keyn.
Arsenal – Ospina, Mertesaker, Gibbs, Belerin, Gabriel, El-Nenni (Jiru, 75), Koklen, Ozil (Kempbell, 90), Remzi, Sanches, Uelbek (Flamini, 85).
Ogohlantirishlar: Belerin (26), Lamela (28), Koklen (29), Sanches (66), Dayer (73).
Chetlatish: Koklen (55).
— deya xabar beradi uff.uz nashri.