“Qo'qon-1912” – “Obod” uchrashuvidan keyin o'tkazilgan matbuot-anjumanida mezbonlar bosh murabbiyi Murodjon Ismoilov ishtirok etdi. – Mavsumning birinchi o'yinida g'alaba qozonib, muxlislarimizni quvontirdik. “Obod” jamoasi menda yaxshi taassurot qoldirdi. Futbolchilar bir-birini yaxshi tushunib harakat qilishdi. O'zimizning o'yinimizga keladigan bo'lsak, mashg'ulotlarda qo'llagan taktikamiz ish berdi. Gol aynan mashg'ulotlardagi mehnatlar mahsuli bo'ldi. Eng asosiysi mavsumni g'alaba bilan boshladik. – Yangi kelgan futbolchilarning bugungi o'yindagi harakatlaridan qoniqish hosil qildingizmi? – Bugun shogirdlarim o'yinidan qoniqish hosil qildim. To'g'ri, xatolar bor. Lekin bular ustida ish olib boramiz. Eng asosiysi, g'alaba qozondik. Keyingi o'yinlarda ham g'alaba qozonishga harakat qilamiz.
— deya xabar beradi uff.uz nashri.