Bugun Oliy Liganing 25-tur uchrashuvlari davom ettiriladi. Ya'ni, mazkur turning oltita bellashuvi bo'lib o'tishi ko'zda tutilgan. Ushbu o'yinlarda kimning imkoniyati yuqori ekanligiga nazar tashlab o'tamiz.
"Qo'qon-1912" - "Lokomotiv"
Qo'qonda qiziqarli o'yin bo'lishi tabiiy. Negaki, mezbonlar oliy ligada debyutini o'tkazayotganiga qaramay, yaxshi o'ynamoqda. O'z maydonida bo'ladigan qarama-qarshiliklarda ustunlik yuqori. "Lokomotiv" esa chemponlik uchun kurashmoqda. Shuning uchun ham qiziq bahs bo'ladi. Ustunlik baribir "Loko" tomonda. Tajriba baribir maydonda ko'p narsani hal qiladi. Rustam Abdullaev sobiq jamoasiga qarshi qandaydir taktika qo'llashi tabiiy. Ko'ramiz, bugun taxminlar o'zini qanchalik oqlaydikan?
Imkoniyatlar: 40/60
"Andijon" - "Metallurg"
Vodiyda yaxshi o'yin bo'lib o'tadi. "Andijon" elitada qolish uchun kurashyapti. Shu boisdan "Metallurg"ga qarshi o'yinda g'alaba kerak. Bekobodliklar bir nechta turdan buyon o'zlariga kela olmayapti. Qolaversa, Mirsodivoqni litsenziyasi olib qo'yilishi ham o'yinchilarga ta'sir qilgandir. Shunga qaramay, o'yinga bekobodliklar shunchaki kelmasligi aniq. O'yinda do'stlik g'alabasi kutilmoqda.
Imkoniyatlar: 50/50
"Buxoro" - "Sho'rtan"
Turning qiziqarli o'yinlaridan biri Buxoroda bo'lib o'tadi. Ikki yosh murabbiyning o'zaro qarama-qarshiligi guvohi bo'lamiz. Saidov va Qurbonovlarning kurashida mezbonlar g'alabasi taxmin qilinmoqda. Oliy ligada qolish uchun jon-jahdi bilan kurashayotgan "Buxoro" tobora o'z maqsadi tomon dadil qadam tashlay bormoqda. "Sho'rtan" ham yaxshi o'ynamoqda. Faqat, safardagi uchrashuvlarda g'uzorliklar o'zlari kutganchalik to'p surmayapti.
Imkoniyatlar: 60/40
"Qizilqum" - "Mash'al"
Navoiyda bo'ladigan ushbu o'yinda "Qizilqum" g'alabasi taxmin qilinmoqda. "Qizilqum" faqat uyda mazmunli va chiroyli o'yin ko'rsatishmoqda. Safarda esa aksincha. "Mash'al" esa kutilmagan natijalarni ko'rsatishda davom etmoqda. Ko'ramiz, bugungi o'yin qanday natija bilan tugarkan?
Imkoniyatlar: 55/45
"Paxtakor" - "So'g'diyona"
Farg'onadagi mag'lubiyatdan so'ng chempionlik poygasida "Loko"ni etib olishlariga imkon bergan "Paxtakor" bugungi o'yinda yaqqol favorit hisoblanadi. "So'g'diyona" ham jiddiy raqibga qarshi o'yin bo'lib o'tishini bilib turibdi. Shunga qaramay, osonlikcha taslim bo'lishni istamaydi. "Paxtakor" bugun qanday qilib bo'lmasin, g'alaba uchun maydonga chiqadi.
Imkoniyatlar: 70/30
"Olmaliq" - "Navbahor"
Shkvirin jamoasi bugun "Navbahor"ni qabul qiladi. Bu jamoalar ham unchalik o'ziga o'xshamayapti. "Olmaliq" ham "Navbahor" ham, kutilmaganda ochkolarni qo'ldan chiqarishda davom etmoqda. Omadsizlar bahsida mezbonlarning g'alaba qozonishi kutilmoqda. Ko'ramiz, buni Igor Anatolevich shogirdlari udasidan chiqa oladimikan?
Imkoniyatlar: 60/40
— deya xabar beradi uff.uz nashri.