“Bunyodkor” – “Neftchi” uchrashuvidan keyingi matbuot anjumanida birinchi bo'lib farg'onaliklar ustozi ishtirok etdi. - Asosiy tarkibni va o'yin uslubini tanlashda xato qildim. Balki boshqacha taktika tanlaganimizda natija bunday bo'lmasmidi... Futbolda oldindan hech nimani aytib bo'lmaydi. Kecha o'zimiz istagandek mashg'ulot o'tkaza olmadik. Rostini aytsam, bunday ajoyib maydonga moslashib olish uchun bizga ma'lum vaqt kerak edi. O'yinoldidan tashkil etiladigan 20 daqiqalik chigalyozdi mashqlaribunga imkon bermaydi. Bevosita o'yinga keladigan bo'lsak, “Bunyodkor” tartibli o'yin namoyish qildi. O'tkazib yuborilgan golda himoyachilarimizni aybi bo'ldi. Darvozabonimiz o'yinni yomon o'tkazdi, deyolmayman. Futbolning bu nuqtasi juda nozik masala. Men rosti darvozabonlar ishiga aralasha olmayman. Bu borada ularning murabbiyi bor. Shuning uchun ham qaysi darvozabonni asosiy tarkibga kiritishni ushbu mutaxassis hal qilgani ma'qul. Mansur Saidov xizmatidan keyingi uchrashuvlarda foydalanamiz. U jarohatidan sekin-asta forig' bo'lyapti, - deydi Andrey Vitalevich.
— deya xabar beradi uff.uz nashri.