“Bunyodkor” – “Neftchi” uchrashuvidan keyingi matbuot anjumanining ikkinchi qismida “qaldirg'ochlar” ustozi qatnashdi. - O'yindan qoniqdim. Futbolchilar berilgan ko'rsatmalarni to'liq bajarishdi. Lekin kamchiliklar ham yo'q emas. Hujumlarni tashkil etishda ba'zi hollarda shoshma-shosharliklar qilishdi. Lekin chempionatning birinchi uchrashuvi uchun yomon o'ynamadik. “Neftchi” haqida gapiradigan bo'lsam, ular kuchli jamoa. Raqibni yaxshilab o'rganib chiqqandik. Safimizda ko'plab o'yinchilar bor. Shu bois hammaga imkoniyat beriladi. Rotatsiyalar albatta bo'ladi. Dilshod Ahmadalievni o'yinidan ham ko'nglim to'ldi. U oliy ligada endi birinchi bor maydonga tushdi. Vaqt o'tishi bilan yanada yaxshiroq o'ynay boshlaydi. Karpenko tajribali, aqilli va o'ynovchi murabbiy. U istalgan jamoa safida to'liq o'ynay oladi. Lekin “Bunyodkor”ning siyosati boshqacha. Biz ko'proq yoshlarga imkon beramiz. Shu orqali terma jamoalarimizga yosh futbolchilar etishtirib beramiz, - deydi Sergey Ivanovich.
— deya xabar beradi uff.uz nashri.