“Manchester Yunayted” jamoasi bosh murabbiyi Lui van Gal “Vest Bromvich”ga qarshi Angliya chempionati 29-turi oldidan o'z fikrlarini bildirib o'tdi. “Menimcha, “MYu” o'tgan yilgiga nisbatan yaxshiroq o'ynamoqda. Afsuski, tinimsiz jarohatlar barqaror o'yin ko'rsatishimizga xalal beryapti. O'tgan yili ham jarohatlar kam emasdi. Biroq, bu yil o'yinlar ko'proq bo'ldi. Joriy mavsumda 14-15 o'yinchi jarohatda bo'ldi. Umid qilamanki, mavsum yakunida biz EChL yo'llanmasiga ega bo'lamiz”, — deydi gollandiyalik murabbiy. Eslatib o'tamiz, “Vest Bromvich” – “Manchester Yunayted” uchrashuvi bugun, Toshkent vaqti bilan 21:00 da boshlanadi. 
— deya xabar beradi uff.uz nashri.