«Valensiya» yarim himoyachisi Denis Cherishev Ispaniya Chempionati 28-turi doirasida «Atletiko»ga qarshi kechgan bahsda jarohat oldi.
Uchrashuvda «Valensiya» 1:3 hisobida mag'lubiyatga uchragan va jamoaning yagona golini aynan Cherishev kiritgan edi. U 61-daqiqada jarohat olib, safdan chiqqan. Ayni vaqtda yarim himoyachining oyoq mushaklari uzilgani tahmin qilinmoqda.
Cherishev joriy mavsum Ispaniya chempionati doirasida «Valensiya» va «Real» safida 8 ta o'yinda maydonga tushgan va uchta gol urib, bitta golli uzatmani amalga oshirgan.
— deya xabar beradi uff.uz nashri.