«Atletiko» hujumchisi Fernando Torres Ispaniya chempionati 28-turida «Valensiya»ga qarshi kechgan o'yinda maydonga tushdi va jamoasining 3:1 hisobidagi g'alabasiga hissa qo'shdi. Ushbu uchrashuv Torres uchun madridliklar safidagi 300-o'yin bo'ldi.
Torres «Atletiko» safida o'tkazgan o'yinlari borasida ayni vaqtda jamoa safida to'p surayotgan futbolchilar orasida eng yaxshi natija qayd etib turibdi. Boz ustiga hujumchi «Valensiya»ga qarshi kechgan o'yinda g'alaba to'pini kiritgan va madridliklar safidagi gollari sonini 102taga etkazib, bu borada Serxio Aguerodan o'zib ketgan.
Fernando Torres «Atletiko» to'purarlari ro'yxatida sakkizinchi o'ringa ko'tarilib oldi. U joriy mavsum Ispaniya chempionatida 21 ta o'yin o'tkazib, beshta gol urgan va ikkita golli uzatmani amalga oshirgan.
— deya xabar beradi uff.uz nashri.