Osiyo futbol konfenderatsiyasi rahbari shayx Salman bin Ibrohim Al-Xalifa FIFA prezidentligi uchun o'z nomzodini qo'ymoqchi.
49 yoshli bahraynlik amaldor FIFA vitse-prezidenti va UEFA prezidenti Mishel Platinini qo'llab-quvvatlayotgandi, ammo frantsiyalik sobiq futbolchi 90 kunga lavozimidan chetlatilgach, Al-Xalifaning o'zi tashkilot rahbarligi uchun kurash olib borishga qaror qildi, deb xabar bermoqda Press Association Sport ga asolanib Sports.ru.
OFK prezidentining ushbu qarorni rasman shanba-yakshanba kunlari yoki FIFA ijro qo'mitasining Tsyurixda seshanba kuni o'tadigan navbatdan tashqari yig'ilishida e'lon qilishi kutilayapti.
Eslatib o'tamiz, FIFA prezidentligi uchun saylovlar 2016 yilning 26 fevral kuni o'tkazilishi rejalashtirilgan, biroq bu muddat yana kechiktirilishi ham mumkin.
FIFA saylovlariga o'z nomzodini qo'yishning so'nggi kuni 26 oktyabr deb belgilangan.
Manba: arena.uz
— deya xabar beradi uff.uz nashri.