«Bavariya» klubi va Germaniya terma jamoasi yarim himoyachisi Mario Gyottse Evropa chempionatida ishtirok eta olmasligi mumkin.
23 yoshli futbolchi jarohatidan tuzalgach myunxenliklar safida juda kam o'yin amaliyotiga ega bo'lmoqda. Gyottse mushak paylari uzilishi natijasida mavsumning yarmini o'tkazib yubordi. Garchi tuzalgach Germaniya chempionati doirasidagi oxirgi to'rtta o'yin ro'yxatiga kiritilgan bo'lsada, biror marta o'ynamadi. U oxirgi marta 4 noyabrda Dortmundning «Borussiya» klubiga qarshi o'tkazilgan va 5:1 hisobida myunxenliklar g'alabasi bilan yakunlangan o'yinda ishtirok etgan.
Germaniya terma jamoasi bosh murabbiyi Yoaxim Lyov hamon Gyottsega umid qilayotganini bildirgan. Yarim himoyachi joriy mavsum Germaniya chempionatida 7 o'yinda maydonga tushib, bitta gol urgan va uchta golli uzatmani amalga oshirgan.
— deya xabar beradi uff.uz nashri.