Oliy liga birinchi tur so'nggi uchrashuvida  "Paxtakor" o'z maydonida "Andijon"ni qabul qildi va 2:1 hisobida g'alabaga erishdi. O'yindan keyin  tashkil etilgan matbuot anjumanida toshkentliklar ustozi No''mon Hasanov ishtirok etdi. "Andijon" bugun yaxshi taassurot qoldirdi. Biz haqli g'alaba qozondik. Biz odatda raqibni oldinda kutib olishga intilamiz, ammo futbolda turli holatlar ro'y beradi. 2:0dan keyin raqib hujumga o'tgani sababli futbolchilar himoyaga e'tibor qaratishdi. O'yinga ikki hujumchi bilan tushishni maqsad qilgandik, lekin bahs arafasida baribir o'zimizga yaxshi tanish bo'lgan uslubda o'ynashga qaror qildik. Keyingi bellashuvlarda boshqacharoq taktik uslubda o'ynashimiz ham mumkin", - deydi No''mon Hasanov. 
— deya xabar beradi uff.uz nashri.