Oliy liga birinchi tur so'nggi uchrashuvida  "Paxtakor" o'z maydonida "Andijon"ni qabul qildi va 2:1 hisobida g'alabaga erishdi. O'yindan keyin tashkil etilgan matbuot anjumanida “Andijon” ustozi Baxtiyor Ashurmatov ishtirok etdi. “Yigitlarda birinchi o'yindagi hayajon sezildi va o'zimizni to'liq ko'rsata olmadik. Birinchi bo'limda tezkor gol ruhan ta'sir qildi. Ikkinchi bo'limda esa yaxshiroq o'ynadik. Hisobni qisqartirib, o'yin oxirigacha keskinlikni saqlab qoldik. Hali jismonan va jamoaviy o'yinni yaxshilash ustida ish olib boramiz. Futbolchilarni to'liq bilmasligim mumkin, chunki rasmiy o'yinlarda ularni endi ko'ryapman. Tarkibni aniqlashda xatoga yo'l qo'ygandirman, balki. Ularni ish jarayonida yaxshiroq bilib, o'yinimizni kuchaytirib boramiz”, — deydi “Andijon” ustozi. 
— deya xabar beradi uff.uz nashri.