«Bavariya» bosh murabbiyi Xosep Gvardiola «Manchester Siti» rahbariyati bilan uchrashdi va yozgi transfer rejalarini muhokama qildi.
Murabbiy mavsum yakuniga etgach «Manchester Siti» boshqaruviga o'tishi ma'lum qilingan. Gvardiola hozirdanoq jamoa tarkibi haqida bosh qotirmoqda. U yaqinda Amsterdamga bordi va «Manchester Siti»  sport direktori Chiki Begiristayn bilan uchrashdi.
Gvardiola kelasi mavsum qo'l ostida «Ayaks» yarim himoyachisi Rixedli Bazur va PSV himoyachisi Yetro Villemsni ko'rishni istamoqda. 19 yoshli Bazurni hozirdanoq afsonaviy Frank Raykardga o'xshatmoqdalar. U joriy mavsum Niderlandiya chempionatida 23 ta o'yin o'tkazgan va 5 ta gol urib, uchta golli uzatmani amalga oshirgan. Bazurning transfer qiymati 30 million evroga baholanmoqda.
21 yoshli Villems ham Niderlandiyaning eng iqtidorli yoshlaridan hisoblanadi. U mavsumning birinchi qismini jarohati tufayli o'tkazib yuborgan. Villems joriy mavsum 8 ta o'yin o'tkazib, 1 ta gol urgan va ikkita golli uzatmaga mualliflik qilgan. Yetroning transfer qiymati 20 million evroga baholangan. 
— deya xabar beradi uff.uz nashri.