«Fenerbaxche» yarim himoyachisi Nani «Real» hujumchisi Krishtianu Ronalduni zamonamizning eng yaxshi futbolchisi deb tan oldi. Shuningdek u Braziliya terma jamoasi sobiq futbolchilari Ronaldino va Ronaldoni futbol tarixidagi eng kuchli o'yinchilar sifatida ta'kidlagan.
- Dunyoning eng yaxshi futbolchisi? Krishtianu Ronaldu. U fantastik futbolchi. U ayni vaqtda ajoyib formada va Ispaniya chempionatidagi eng yaxshi o'yinni namoyish qilyapti.
Agar futbol tarixidagi eng yaxshi o'yinchilarni aytish kerak bo'lsa, Ronaldino va Ronaldoning nomini tilga olaman. Ular shunchaki bemisl edilar. Yaxshi formada bo'lganlarida ularga teng keladigan bo'lmagan.
Shu bilan birga ikkisi ham mutlaqo asabiylashmas, labda tabassum bilan o'ynardilar. Ular boshqalardan kuchli texnika, chiroyli gol va sehrmonand harakatlari bilan ajralib turishgan, - deydi Nani.
— deya xabar beradi uff.uz nashri.